الحل خشْمٍ فوقه الشحم والهيل الافطَس اللي لا وصِلْه امركم تَمْ

نظراً لعدم التوصل لحل لغز الأسبوع قبل الماضي رغم كثرة المرسلين فقد قمنا بإعادة نشره الأسبوع الماضي والذي كتبه للخزامى الشاعر عبدالله عايد المفضلي من الرياض والذي يقول:
انشدك عن رجل بوجه الرجاجيل
رجل وله بنتين بالطيب مغرم
اول وثاني حرف يدخل مداخيل
واذا عكسته صار جرح بلا دم
وقد استطاع حله كل من الشعراء:
الحل خشْمٍ فوقه الشحم والهيل
الافطَس اللي لا وصِلْه امركم تَمْ
وترى العمل مع الدعا والتهاليل
مدْعاه للخيرات مِع زايِل الهم
سعود عائش الحربي - جدة
يلي حبكت اللغز رسم ومناهيل
وبنيت قاف اخره حرفهاام
كل يشوفه بالرجال الحلاحيل
حله تراه الخشم من تحته الفم
ومافيه غيره لو تحاول تظاليل
هذاجوابي وانتبه قولهاسم
حمد عبدالله الوايلي - حوطة سدير
يامرحبا واللغز يحتاج تحليل
وعقب التعب دوك الجواب المنظم
خشم الفتى حلي بلا شك او ميل
واذا عكسته صار مشخ موسَم
صالح البشري - الفويلق
لغز الأسبوع
كتبه بشير عنيزان السليمان من حايل ويقول:
انشدك عن رجل يحبونه الناس
رجل وكل ياهل العرف شافه
اول وثاني حرف خالي من اوناس
والا عكست اسمه قريب المسافه
اخوه عقبه تسمعه يصلب الراس
الا تنحنح كل رجال خافه
نستقبل الحلول خلال "ثلاثة أيام" من نشر اللغز على إيميل الصفحة:
rb-khozama@alriyadh.com