الامن نعمه كبيره ويبقى الشكر قيد مايساوي نعمة الامن غير العافيه

كتب بيت الأسبوع الماضي محرر الزاوية حول التفكر بنعمة الأمن التي يرفل بها هذا الوطن المعطاء في كنف خادم الحرمين الشريفين الملك سلمان بن عبدالعزيز وولي عهده الأمين صاحب السمو الملكي الأمير محمد بن سلمان حفظهما الله:لنا جنودن تكافح كل منهو عنيد
والداخليه لمن رام الخطا كافيه
وزيرهاعن هموم الناس ماهو بعيد
من بيت طيبن تعلى في العلا العاليه
والحمدلله خليل الله منه نستفيد
دعا لهذا البلد با الخير و العافيه
محمد عبدالله الشهري - أبها
نحمد الله في معزة قديم ومن جديد
الشعب كله في امان ونوايا صافية
الحكومه في خدمة الدين من وقت تليد
قدموا كل الخطط والعلوم الوافية
طبقوا حكم الشريعة مهو حكم جديد
وعايشين في كراَمة تمام العافية
على الرشيد - رياض الخبراء
دعْوةْ الخليل رَبّهْ أُجِيبتْ منْ حمِيد
أمْنِ وْأمانٍ بلَدْنا وِعِيشَهْ كافيه
نسكنْ قُصُورٍ وِنَلْبَسْ مِنِ اللبْسِ الجديد
ونشْربْ مياهِ البَحَرْ مثْلِ سكّرْ صافيه
هذي صروحِ التّعلم بها العلم المفيد
وكل طبّ جيب لِلّي يريدِ العافيه
ناصر جمعان آل عوض - وادي الدواسر
الامن من عاش به عاش بالدنيا سعيد
ولله اللي يعلم البينه والخافيه
الامن يضرب ويضرب بيدن من حديد
له مواقف ترفع الراس والله وافيه
مجتهد ويقوده الراي السديد
شاف شين خافين ضن محدن شايفه
سعد صنهات السهلي - الدرعية
الشكر للخالق الواحد البر المجيد
ربنا المعبود محيي العظام الهافيه
اطلبه يحفظ لنا امن الوطن من كل كيد
ويحفظ ولاة امرنا اللي يديهم ضافيه
لهم منا الدعاء وايضا الشكر المزيد
دايما هم عزنا بالمراجل وافيه
صالح محمد محارب البشري - الفويلق
في بلاد الخير وهل الرأي السديد
امننا في خير عند هل القلوب الصافيه
يارجال الفكر ياهل العقل الرشيد
هاذي نصايح ياعساها كافيه
احرص على النعمه والحذر عنها تحيد
واللي مريض ياعسى ربي يشافيه
محمد بن عبد العزيز الخنيفر - أشيقر
الأمن ساسه متين وعندنا فايام عيد
نرفل بنعمة الله في حياة صافيه
وفي مجد سلمان الفخر مجده وكيد
ظل علينا ولاعلينا من يريد الخافيه
ومن هيبته طاحت عصا سيّدوسيد
وعوينه محمد يجيب افكار ضافيه
حمد عبدالله الوايلي - حوطة سدير
خير ونعم يا عساها في مزيد
يالله عسى الخيرات دايم وافيه
وترى السلامه يالربع للكل عيد
يالله على المسلم عساها ضافيه
امن وامان وخير ياعله يزيد
هاذي رساله ياعساها شافيه
ريان بن محمد الخنيفر - أشيقر
نحمد الله نشكره والعافيه اكبر رصيد
الى حصل امن وخير مانبي غير العافيه
الشكر والحمد لله نطلبه وخيره يزيد
وخير ربي دايم ضافي يبي قلوب واعيه
وحنا في امان وخير و قايدنا امره سديد
في ظل ابو فهد طال عمره سنين لافيه
خليف فهيد الحربي - الرياض