عامٍ جديد وكلنا مستعدين والعلم نور وطالب العلم مشكور

بيت وصدى

بيت الأسبوع
بيت الاسبوع كتبه للزاوية الشاعر رجا بن عادي بن رمال من الرياض والذي يقول:
عامٍ جديد وكلنا مستعدين
والعلم نور وطالب العلم مشكور
وكان صدى البيت من الشعراء:
العلم ما مثله وأنتم عزيزين
يا ما نهض بأقوام وأصبح لهم دور
هذي نصيحة للنشامى الفهيمين
وهذي هي الفرصة يا فاهم الشور
والعلم نور ياعساها على الزين
ويا فاهمين العلم هموا على الفور
ورسالتي للي على العلم ساعين
حذرا من الإهمال والخير موفور
محمد عبدالعزيز الخنيفر- أشيقر
ياجيل يلي كلبوكم فهيمين
انتم عمادالدين وانتم هل الشور
تسلحو بالعلم ناس عظيمين
وابنو صروح المجدطورعلى طور
والعام نبدابه نشوف المجدين
اهل العلوم وطالب العلم مسرور
ياهل المعرفه يارجال فطينين
العام بادي وابذرو خير وزهور
حمد عبدالله الوايلي - حوطة سدير
دخل علينا العام ولا نصير لاهين
جوالكم خلوه وبليس مدحور
العلم غير العلم تاركه مسكين
إلحق على اللي راح والخير ميسور
إبدا حياة يا عساها على الزين
واللي من أقرانك ترا اليوم دكتور
أنتم رجال الغد وبالقلب غالين
يالله عسى الأيام نور على النور
ريان محمد الخنيفر - أشيقر
لاصار ماشي باحسن الخلّق والدين
ابن الوطن يصير في العلم مسرور
قال الحكيم وفي كلامه براهين
الجهل اله ظلام والعلم اله نور
يبني بيوت العز بكل الميادين
والجهل يهدم في بيوت ٍ لها سور
والمملكه شبابها دوم وافين
بنوا سروح المجد والدار معمور
مشعل بن صنت العصيمي - الخرج
بيت الاسبوع
اقترحه للصفحة الاخ صالح المرشود للشاعر الامير محمد السديري -رحمه الله- والذي يقول:
كم واحد له غاية ماهرجها
يكنها لو هو للادنين محتاج
نستقبل صدى هذا البيت بأربعة أبيات حتى يوم الاربعاء القادم ويفضل الإرسال عبر الإيميل:
rb-khozama@alriyadh.com
أو الفاكس 0114871070