بيت وصدى

كتب بيت الاسبوع الماضي للصفحة الشاعر شاطئ الخليل حول أهمية المهرجان الوطني للتراث والثقافة "الجنادرية" ويقول البيت:
تراثنا واجب علينا نزوره
تخليد لأمجاد الوطن والثقافة
وكان صدى البيت من الشعراء حول الموضوع:
يبقى لنا إرث يحكي بصوره
للي سمع ماشاف والحين شافه
الله يديم العز لخوان نوره
في ظلهم عشنا بليا كلافه
ولى زمان الجهل هو والخطوره
واقبل زمان الخير وابعد كفافه
صالح محمد البشري - الرياض
خلك من اللي وافي في حضوره
وكل أهلها تسعد بكم بالضيافة
والبعض منكم بين في قصوره
من زارها مرة يزيد التهافه
اليوم لها فوق الثلاثين دورة
والبعض منكم مامشى له وشافه
هذي نصيحة وافتهم للمشورة
الكل منا هاوي للثقافه
محمد عبدالعزيز الخنيفر - أشيقر
من برها من جوها من بحوره
كل الجهات مشاركة باصطفافه
تاريخ واضح للمشاهد بصورة
ينقلك الماضي بفن وحرافه
يستقبل الضيفان قايم بدوره
ذا مهرجان فيه علم وطرافه
نشاطه منوع في مساه وبكوره
ياصل له الزاير بليا كلافة
علي الرشيد - رياض الخبرا
المملكه حاضر وماضي فخوره
بتراثها والكل في الكون شافه
لامجادنا ويا الوطن فيه صوره
مشهورة ٍ وقت النبي والخلافه
واليوم اله حق وعلينا حضوره
في كل عام يقام شرق الصحافه
في العاصمة رياضنا شاع نوره
اتراثنا فخر الوطن ما نعافه
مشعل بن صنت العصيمي - الخرج
هذا تراث بين منه صورة
ناظر تراث جدودنا والحرافة
هذا يذكرنا بماضي عصوره
يا ما لجيل اليوم بشوفه لهافه
اللي يشوفه ما خفانا سروره
واللي يزوره مرة ما يعافه
لازم زيارة يالربع وبالضرورة
وزاره نفوس ما دروا بالمسافة
ريان محمد الخنيفر - أشيقر
بيت الأسبوع
كتبه للصفحة الشاعر مشعل بن صنت العصيمي من الخرج ويقول في بيت اجتماعي:
الوقت غلاب والايام غلابه
عشنا وشفنا واخذنا من تجاربها
نستقبل صدى هذا البيت بأربعة أبيات خلال ثلاثة
أيام من يوم النشر ويكون الإرسال عبر الإيميل:
rb-khozama@alriyadh.com