طالبك تجلس لو تكرمت في البيت غيرك يبي يجلس ولا حاصلٍ له

كتب بيت الأسبوع الماضي للصفحة الشاعر مبروك بن نامي حول أهمية الجلوس في البيت والذي يقول:
طالبك تجلس لو تكرمت في البيت
غيرك يبي يجلس ولا حاصلٍ له
وكان صدى البيت من الشعراء:
والدوله تنادي على الحي والميت
وما قصرت في واجبك فاطن له
ويا مسلم افهم لا تماديت وابليت
صحتك كم تسوى الى جاك بله
كم واحد قبلك تساهل على ليت
وراحت حياته والوباء جاه عله
وخلك فهيم وواعي ذايع الصيت
حافظ على نفسك وتعيش فله
حمد عبدالله الوايلي - حوطة سدير
نفذ أوامر قايد العز حييت
ترى التهاون ما يفيدك وخلّه
فكر بدربك كل ما رحت أو جيت
لا واهني منهو جلس في محلّه
عسى السعادة دايمة كم تمنّيت
يازينها للي طريقه يدلّه
محمد بن عبدالعزيز الخنيفر - أشيقر
جتنا الأوامر وعقبها ما تونّيت
الدرب قدمك والحذر لا تزلّه
هذي نصيحة وافهم العلم يا ريت
ورجلن مشى دربه لازم يدلّه
واللي على هالحال نقول وفّيت
ودرب مشيته صعب يا صاح خلّه
ريان بن محمد الخنيفر - أشيقر
أمر المليك يبقى لنا كما الليت
نور معه السلامة والخير كله
بعد النظر له قيمة يأهل الصيت
قبل الوباء يكثر ويزداد عله
صالح محمد محارب البشري
لا تقولي من مجلس البيت مليت
انته ابيتك مملكة مستقله
بس اشكر الله كل ما صبحت
وماسيت والوقت لاتنساه لاحان صله
ما تنفعك الطلعات إن رحت وإن جيت
يمكن تعنى للوباء في محله
ما ينفعك لا قلت يا عالم أخطيت
زله تراها عن ثمانين زله
سعد صنهات السهلي - الدرعية
منتاب معذور إلى من تماديت
خالفت تنظيم بدقه وجله
أنت أب أمان كل ما أصبحت وأمسيت
خدمات تاصل لك ورقمك تدله
ولا يضرك كم من الوقت مضيت
مدام كل ملتزم في محله
على الرشيد - رياض الخبراء
يالله يا ربي ويا رب ذا البيت
تحمي بلادي حلتن بعد حله
خذ الحذر ما ينفعك قول ياليت
الفاس لو ياقع على الرأس هله
طاعة ولي الأمر واجب كما ريت
وصى بها الرحمن في كل مله
عادي جلوس البيت لصبحت وأمسيت
متريحن في مجلسك وسط فله
محمد عبدالله الشهري - أبها
"بيت الأسبوع"
كتبه الشاعر عبدالله محمد الضويحي حول التعاون مع تعليمات حكومتنا الرشيده في دواعي جائحة كورونا ويقول:
تكفون يا شعبنا تكفون
في فعل الأسباب عينونا
نستقبل صدى هذا البيت بهذه المناسبة خلال أربعة أيام من نشر البيت على إيميل الصفحة: