من لانفع لك حي مافاد لك ميت تاجد بقبرك سيتك وحسناتك

بيت وصدى

بيت الأسبوع الماضي كتبه الشاعر بدر الحزيمي في نفع الصاحب لصاحبه والفرق بين الأصدقاء
ويقول البيت:
من لا نفع لك حي مافاد لك ميت
تاجد بقبرك سيتك وحسناتك
وقد كان صدى البيت من الشعراء:
لا يصير بفكرك يا فتى فيه تشتيت
حافظ على الطاعة وألزم صلاتك
كل شي يابن الناس يحتاج توقيت
أعرف ترا الطاعة مكسب (ن) حياتك
لا يضيع وقتك وخل عنك التناهيت
وبالآخرة فكر وتلقى نجاتك
أغنم زمانك وفاهم العلم والصيت
بقولها لك ثم أغنم زمانك
محمد عبدالعزيز الخنيفر/أشيقر
اختر صديقك وانتبه كانك اخطيت
اكبر خطيه شفتها في حياتك
واحسب حسابك وانتبه وين ماجيت
مهوب عيب تكرر محاولاتك
ترى الردي مهما تعبت وتقصويت
مافيه خير وحافظن مخطياتك
ماينفعك قولتك ياليت يايلت
ياعل غيرك مايسوى سواتك
سعد صنهات السهلي/ الدرعية
اختر صديق ينفعك رحت أو جيت
هذي وصاتي والتزم في وصاتك
يحفظ لك الاسرار لا اقبلت وأقفيت
ما يخون عهده بالحياة ومماتك
ما تمشي الدنيا على ما تمنيت
ما كل شيء تجده في مناتك
احرص على الطيب الى اصبحت وامسيت
واجعل خصال الخير أجمل صفاتك
علي رشيد الرشيد-رياض الخبراء
قريت بيتك يالحزيمي صدى البيت..
ذكرتنا بالصحب من حسن ذاتك..
ترى الصداقه دايمه دون توقيت..
والنفع مفروض وهو من سماتك..
لاتترك الخلان مهما تعنيت..
تلقى الجزاء عند الولي بحسناتك..
ماينفعك فوت ولاينفعك صيت..
مد الوصل دايم يطيل بحياتك..
عبدالمحسن بن محمد المحيسن/ رياض الخبراء
اختر خوي جيد ذايع الصيت
تمشي صفاته مع مثايل صفاتك
مثل البليهي يعجبك لا تمنيت
ولا بغيته حاجة قال جاتك
ماينكر المعروف لاقبلت واقفيت
هو يفتخر في كل شخصك وذاتك
وبالك من اللي ما يفيده لو اعطيت
يبور في لحظه يبيح خفاتك
حمد عبدالله الوايلي/ حوطة سدير
لا تقول ضاع الوقت يا ليت سويت
تغانم الفرصة تلقى نجاتك
لا تجعل الدنيا هموم وتناهيت
في طاعة الله مكسبك في حياتك
لا تقول يا ليت على نفسي أخطيت
صل وتصدق ثم تلقى مناتك
واللي مضى خله وتحتاج توقيت
وللآخرة خطط وخله سماتك
ريان محمد الخنيفر/ أشيقر
بيت الأسبوع
كتبه للصفحة الشاعر سميحان بن فهد السويدي من الرياض حول اليوم الوطني الخامس والثمانين للمملكة العربية السعودية ويقول:
ذكرى الوطن بالعام خمس وثمانين
نسعد بها والكل هنأ وفرحان
نستقبل صدى هذا البيت بأربعة أبيات ويفضل الإرسال عبر الإيميل:
rb-khozama@alriyadh.com
أو على الفاكس 4871070/ 011
كما يسرنا مشاركة القراء بموضوع البيت ونرحب بطرح بيت الأسبوع من الشعراء حول أي موضوع.