الأسبوع الماضي كان بيت الأسبوع من طرح الشاعر فهد عقيل الطويان من بريدة حول قضية انتشار الطب الشعبي والتداوي بالأعشاب والذي يقول: يابايع للناس وصفات الاعشاب لاجل الطمع ترى العواقب وخيمه وقد تجاوب الشعراء مع البيت بأصداء رائعة وهادفة: ياللي تعالج جرح والجرح ماطاب مافاد طبك بالجروح القديمه والموت ما يقبل علينا بلا أسباب والطب بالأعشاب يمكن جريمه عبدالله مذكر آل حمدان المطيري ناس تريد الكسب وتزيد الاسباب تنصب شباك خيوطها للغنيمه لا جيتهم شفت التهاويل وأغراب ماكن عند الناس نية سليمه سعود بن سعد الحافي - الرياض يابايع الاعشاب كم واحد إنصاب إنصاب من حاجات ما هي سليمه تأكدوا ياللي تبيعون الأعشاب من طبق الآيات فهي الغنيمه محمد ابودحيم - البدائع بعض العواقب ما نحسب لها احساب مامن ورا الأعشاب خير وغنيمه ليت الوزارة يمكم تغلق الباب وتوقف أشخاص عميمة طميمة علي رشيد الرشيد - رياض الخبراء يطالبن علاج من عند نصاب همه دراهم وانت حطك وليمه غير الوصاخة والجهل يلبس ثياب لوشمها الطيب تجيه السقيمه سعود بن عبدالعزيز الهزاع - نعام تراك تجهل للدوا جملة أسباب جهل المداوي بالأدواي جريمه فيها تلف كبد وتصاميم واعطاب تحسب خطأ يارجال ولا ظليمه عقاب بن سقيان العتيبي - الجمش أعشاب تجمع بين فاهم ونصاب ومنهم شروها أهل العقول السقيمه مني نصيحة راقبوا رب الأرباب في يوم يجمع للخصيم بخصيمه معتاد بن عويش السلمي - الرياض الصيدلي يبعث تحاذير وعتاب وأشره على أهل العقول الفهيمة أيه أصل كل الطب عقاقير وأعشاب وشف بيعها من غير فهم جريمة صيدلي - فيصل البدراني ياهيه ياللي تدعي عرف الاطباب الغش للمرضان اكبر جريمة واحذر يجي من طبك انسان منصاب من خلطة الاعشاب يشكي الضليمة محمد عفار المطيري - عنيزة يابايع الاعشاب لك يوم بتغاب ويتواجه اللي منعم في نعيمة طبيب شعبي والبلاء كيف منصاب صاير يداوي وعلته مستديمة رضاء بن دبيس العبدلي - البكيرية خل التطبيب بالبشر واحسب حساب تعطيه وصفات ولا هي سليمة وش ينفعك تلقي العلامة مع عتاب وكم من نفوس من سببها سقيمة محمد بن عبدالعزيز الخنيفر - أشيقر من العشب والاشجار يامدور اطباب لجسود عانت من مرضها سقيمة احذر دوا ختال خداع كذاب ينتج لك التوثيق بافك وظليمة سعود مناحي العنزي - الرياض بعض المرض منشاه من بعض الاطباب وياللاسف كل النتايج عقيمة ووصفة الاعشاب من ضمن الاسباب وياما نتج عنها عواقب وخيمة سعود عائش التميمي الحربي من اجل كسب المال يفتح له ابواب ابواب منها الكسب غش وظليمة ما يدري ان الكسب بالغش مشهاب مشهاب من نار العذاب وجحيمة سلطان بن حمد الحبابي - الطائف كم واحد ظنه من أسبابكم خاب ظليمة ياكبرها من ظليمة من حر ما يونس طرق للدواء باب رخصت حياته مالها أي قيمة ابراهيم بن مسمار القحطاني - الرياض بيت الاسبوع تجاوباً مع مقترح الأخ منصور شليويح العنزي حول قرار منع الاستقدام من دولة بنجلاديش بعث للصفحة الشاعر رضا دبيس العبدلي من البكيرية ويقول: هذا قرار المنع والكل يبغاه أمن البلد مطلوب دون العمالة نستقبل صدى البيت بثلاثة أبيات فقط حول قضية البيت على الفاكس 4871070او الايميل: [email protected] او الايميل: [email protected] مقترح لموضوع قضية الاسبوع القادم بعث للصفحة الأخ لافي حمود العنزي من الرياض مقترحاً لموضوع قضية الاسبوع القادم وهو نظام مكتب العمل والزحام الشديد على ذلك لأجل استخراج التأشيرات.
