بيت وصدى

بيت الأسبوع الماضي كتبه الشاعر غنام مسعود القريني عن استغلال الوقت والصحة في التقديم والعمل للحياة الآخرة ويقول:
الوقت يمضي والليالي سريعه
ومن لاتعب للاخره ماكسب شي
وقد كان صدى البيت من الشعراء:
ابعد عن الشيطان لا لا تطيعه
تراه خداع يوديك للغي
في طاعة الله لك روافد منيعه
ابعد عن المشبوه لاتعمل السيء
ارواحنا بالجسم كنه وديعه
لابد يوم نسلم الروح للحي
اعمل ليوم فيه هول وفضيعه
ماينفعك ابو ولا ينفعك خي
علي رشيد الرشيد - رياض الخبراء
لا واهني اللي لربه يطيعه
دامه على الدنيا موجود وحي
ليته تمعن في علوم الشريعة
يعرف امور الدين وحذراه ياهي
يفهم يفكر ثم اذنه سميعة
ويسمع علوم طيبة ويترك السي
ومن لايطيع الله وجب فيه بيعه
ومن لا يعرف الدين مخطي و مخطي
محمد عبد العزيز الخنيفر - أشيقر
تقافت الاجيال كلن بريعه
اللي على الاسلام واللي على الغي
دستورنا القرآن سني وشيعه
ونعيش بأمن وأمان ولابينا شي
هذي الوداعه لاتضيع الوديعه
ميز لهيب القيض من بارد الفي
مسلم ومؤمن واعبد الله واطيعه
اعبد ولي العرش مادمت انا حي
شجعان المقاطي - الرياض
لله يوسعها لعبدً يطيعه
بسجد لربي وطلبه ورفع ايدي
انا اطلب لله درجتن رفيعه
ترى لله المعطي ويعطي ويعطي
سعد صنهات السهلي /الدرعية
ياهل الوفاء واهل النفوس الرفيعة
الطاعة الطاعة ترى كلها ضي
الله ومرنا لازم انا نطيعه
ولا تطاوع اللي تايه مامعه شي
واهني واهني فاهم للشريعة
خمس الفروض اللي بها خير ياخي
هذي رساله للرجال السنيعه
يترك نفوس كلها لهو مع غي
ريان محمد الخنيفر - الرياض
ماغير والي الكون احد نطيعه
الواحد الخلاق هو رازق الحي
وترى البشر فيها مواقف طبيعه
تعيش في الدنيا وهي دايم لهي
تطرد وراها في مواقف شنيعه
بس المصيبه لابدا قاصر الفي
والادمي احيان موته فجيعه
فجأه يروح وينطفي ساطع الضي
حمد عبدالله الوايلي /حوطة سدير
عليك بالتقوى وظل الشريعه..
مغنم كبير ثم تنجيك يالحي..
اغنم حياتك والهوى لاتطيعه..
احسب ليوم ينزع المال والمي..
يوم عصيب مشيب بالرضيعه..
أد الفروض الخمس وابعد عن السي..
واقطف ثمارك بالحياة الوسيعه..
اسلك دروب الدين بالحر والفي...
عبدالمحسن بن محمد المحيسن...رياض الخبراء
امر الله المعبود لازم نطيعه
ومن قدم المعروف لو انه شوي
مشكور من يحمل صفات رفيعه
وماهو بخير اللي مشى بشر ياخي
ومن خالف امر الله تجيه الوقيعه
يلقى المذله واخر الب له كي
حميد خلف العوادي العنزي /الرياض
بيت الأسبوع
ويقول البيت:
وده يحج ولكن السعر غالي
الله يعين اللي احواله ضعيفه
نستقبل صدى هذا البيت بأربعة أبيات ويفضل الإرسال عبر الإيميل:
rb-khozama@alriyadh.com
أو على الفاكس 4871070/ 011
كما يسرنا مشاركة القراء بموضوع البيت ونرحب بطرح بيت الأسبوع من الشعراء حول أي موضوع.