بيت وصدى

كان بيت الأسبوع الماضي للشاعر عبدالله الوايلي من حوطة سدير ويقول:
الشهر قرب والاجر فيه معروف
يالادمي اكسب تراها فضيله
وكان صدى البيت من الشعراء
بادر الى المسجد مع الناس بصفوف
اجمع من الخيرات باقرب وسيله
واقبل على الخيرات في صدق وتشوف
اثار فعلك في ليال قليله
الامر واضح بين الاوراد موصوف
واللي يبون الخير هذا دليله
علي الرشيد - رياض الخبراء -
احذر تفرط ثم تصفق لك كفوف
لا للندم بعد الصيام ورحيله
"زود من الطاعات لا تطري ظروف
أيام معدودة ترها قليلة
ياحظ من هو ماخذٍ سبع ويطوف
ويقرأ له أيات عظام وجليلة"
عثمان ابراهيم الرشيد- الرياض0
ماتصرفه في ذا السهر صح مخلوف
كلامي اللي قلت عندي دليله
كمن فقيرً عاش من دون مصروف
تفطير صايم قلت انا احسن وسيله
سعد صنهات السهلي- الدرعية
لا تضيع أيامك ترى منت مكلوف
الصوم مكسب يالرجال الأصيلة
الله من واحد على الصوم ملهوف
اللي رحل والبعض حاله عليلة
ذي فرصتك يالآدمي واحذر تطوف
ياما من الخيرات تلقى جزيلة
محمد بن عبد العزيز الخنيفر - أشيقر
لا واهني من صام والخير مردوف
الصوم مطلب ما تحصل مثيله
ومن لا يصوم اليوم كم واجه حسوف
دايم بنقص(ن) مع حظوظ(ن) قليلة
نصيحتي مهداة من داخل الجوف
يغنم زمانه ويهتني بالحصيلة
ريان بن محمد الخنيفر- الرياض
مهوب شهر فيه اكلات وسروف
الوقت ضايع والملاهي وسيله
يلي مقصرلا تقل عندي ضروف
الشهر يمضي في دقايق قليله
ولايجي خير على بنك مصروف
ياصاحبي فرصه نزود حصيله
حمد عبدالله الوايلي- حوطة سدير
كم واحد محتاج وكم عنده ظروف
يبي المعونه والمعونه جليله
من يدفع الميلان راعيه مخلوف
يلقى ثوابه ثم يلقى جميله
دورعلى مسكين دور على ضعوف
شهر الصيام اليوم قرب هليله
عبدالمحسن بن محمد المحيسن
- رياض الخبراء
بيت الأسبوع
يكتبه للصفحة الشاعر عبدالكريم ابن خزيم من البكيرية ويقول:
ياواهم الدنيا ترى مالها حد
قبلك كثيرماصفى له عناها
نستقبل صدى هذا البيت بثلاثة أبيات
فقط تدور حول هذا الموضوع ويفضل الإرسال عبر الإيميل:
rb-khozama@alriyadh.com
أو على الفاكس 4871070/ 011