بيت وصدى

كان بيت الأسبوع الماضي حول مقترح لاخ حاتم بن عبدالله الشاهر عن كشف السيل لكثير من عيوب المشاريع الحكومية للشاعر فهد عقيل الطويان من بريدة والذي يقول:
السيل حاير بالشوارع له اسباب
واظهر غشش تنفيذ بعض المشاريع
وكان صدى البيت من الشعراء:
الامر واضح قبل ما نفتح الباب
والناس تشكي للوزارات وتذيع
مايتعظ راع المشاريع لو عاب
مشروعه اللي يبتغى زود تسنيع
يوقف على المشروع ويشاف ويجاب
راع العمل غصب ولو كان ما يطيع
علي رشيد الرشيد - رياض الخبراء
مع سوء تنفيذ وحكالات نصاب
واسباب اخرى مشرفين المشاريع
غاب الضمير وسارح فيه لعاب
وامن عقوبه جاهز له مذاريع
وذاك تخطيط له القلب ينصاب
والى بغيت الحكي حنا بواريع
حمد عبدالله الوايلي - حوطة سدير
من شدّة الإهمال ومن كثر الغياب
كثرة عقود(ن) ولا نفع كم توقيع
هذا المقاول وشغله اليوم ما صاب
شيكه حصل وانهى العمل بعد توديع
حذرا من أعمال (ن) تحت يد الأجناب
يمسك له أشغال (ن) وللغير ويضيع
محمد بن عبدالعزيز الخنيفر - أشيقر
بعض الشوارع لازم نضرب لها حساب
محفّرة ومليانة (ن) بالتقاطيع
لا من رقيب والمقاول بعد غاب
يجي له يوم وبعض الأيام تنويع
يعطى غرامات (ن) لكن البيه ما تاب
حرص (ن) على ماله على خير توديع
ريان محمد الخنيفر - الرياض
وعلى بحر آخر هذا الصدى
السيل بعد المطر يدخل مع كل باب
ويسد الانفاق ويشيل الطريق السريع
حتى الكباري تطيح وكنها من تراب
بأسباب سوء العمل ما دام في السوق بيع
وفي غياب المراقب والعتب والعقاب
يتلاعب اللي ضميره للخيانه مطيع
علي بن معاضة - الدمام
ونعتذر للشاعر صالح مقبل الشمري عن سقوط مشاركته سهوا الاسبوع الماضي وهي:
لا يا حمد ما ينفع العدل والميل
ولا يفيد النصح ولا الدليله
كان استفادوا من كلام المشاكيل
اللي تعدل عن غثاء الوقت ميله
كل يوم بالتلفاز ولهم مراسيل
لكن شباب اليوم ما فيه حيله
صالح مقبل الشمري - الرياض
بيت الأسبوع
حول مقترح الاخ محمد بن صالح العريني لموضوع بيت الاسبوع وهو غلاء اسعار الخضروات والفواكه بشكل لا يستطيع البعض شراؤها ارسل الشاعر حمد عبدالله الوايلي من حوطة سدير هذا البيت:
سوق الخضار اسعاره مولعة فوق
غطت على اسعار الذهب ياجماعه
نستقبل صدى هذا البيت بثلاثة أبيات فقط تدور حول هذا الموضوع
ويفضل الإرسال عبر الإيميل:
rb-khozama@alriyadh.com
أو على الفاكس (4871070/ 011)
مقترح لموضوع بيت الأسبوع المقبل:
ارسل للصفحة الأخ محمد بن عبدالله السماعيل من الرياض موضوعاً لبيت الاسبوع القادم وهو النظر في مدة التقاعد والامل في تخفيضها وفتح المجال للشباب الجديد لأخذ نصيبه من خدمة الوطن..