كان بيت الأسبوع الماضي حول مقترح الأخ تركي الدويش من الرياض وهو تعثر كثير من مشاريع الحدائق وعدم اكتمالها لسنوات للشاعر محمد بن عبدالعزيز الخنيفر من أشيقر الذي يقول: الحدايق كثيرة بس ما كملوها وبعضها له سنين(ن) والمقاول نساها وكان صدى البيت من الشعراء: المقاول كلاها يا محمد كلاها كيكة قامت تقسم وهم اقسموها الحدايق تموت بمهدها واسفاها ما تهنا المواطن يومهم هملوها أحمد بن ناصر المحرج - الرياض قبل خمسة سنين يوم جابوا نماها ومرت الخمس يالاجواد ما زينوها هبرة والمقاول قال يالله عساها يوم اكلنا بعضها سرقتي ما لقوها والحدايق ذهوب يا عرب من لقاها ضيعوها الحراميه ولا عينوها حامد الغالي - الرياض من زمان تراهم يا ولد سلموها وانتظرها المواطن بين ليت وعساها والبعض يا جماعه بالعمد هملوها راحت الخضره اللي كان مده كساها ليتهم يوم سووا بالشجر جملوها كان جلساتنا فيها ويسعد مساها حمد عبدالله الوايلي - حوطة سدير لا رقابة شديدة للأسف وأهملوها كيف هذا يصير كيف أكمل بناها الأمانة توفر والأراضي شروها وفروها لناس(ن) ما اهتنت في شراها المقاول وربعه الفلوس وخذوها مطلبه له تحقق والجيوب وملاها ريان بن محمد الخنيفر - الرياض بيت الأسبوع حول مقترح الاخ عبدالعزيزالرميح من الرياض عن وجوب توخي الحذر عند هطول الامطار الغزيرة والبعد عن بطون الاودية والمستنقعات للمتنزهين وعدم تحدي قدرة الله ارسل الشاعر حمد عبدالله الوايلي من حوطة سدير هذا البيت. ﻻ ﻻح براق الحيا واقبل السيل بالك تغامر في مجاري مسيله نستقبل صدى هذا البيت بثلاثة أبيات فقط تدور حول هذا الموضوع ويفضل الإرسال عبر الإيميل: [email protected] أو على الفاكس (4871070/ 011) مقترح لموضوع بيت الأسبوع المقبل: ارسل للصفحة الاخ حاتم بن عبدالله الشاهر مقترحا لموضوع بيت الاسبوع القادم وهو كشف السيل لكثير من عيوب المشاريع الحكومية
