بيت وصدى

الأسبوع الماضي كان بيت الأسبوع من طرح الشاعر عبدالمحسن بن محمد المحيسن من رياض الخبراء بمناسبة فوز مشروع وادي حنيفة بأفضل مشروع في الشرق الأوسط والذي يقول:
وادي حنيفة فاز بالشرق الأوسط
بمشروعه اللي فاق كل المشاريع
وكان الصدى من الشعراء:
الشرق الاوسط جامن الشط لا الشط
كل على ما قيل يبغي المنافيع
وادي حنيفة قال عندي خبر قط
الفوز بإذن الله لنا يا مشاجيع
سلطان بن حمد الحبابي - الطائف
وادي حنيفه موقعه واقع وسط
الرياض اللي بها الخير امريع
والمنظر الرايق يشرح الصدر ويبسط
مشروع نفذ في وقت اسريع
حمد عبدالله الوايلي، حوطة سدير
الشكر للي نفذوله وخطط
واللي رعاه وسور ارضه عن البيع
أطهر بلد فيه المشاريع تبسط
للخير ما حطت مظاهر وتلميع
فهد بن عقيل الطويان، بريدة
ما جاء فراغاً سابقاً له مخطط
لين اكتمل من دراسته بالتواقيع
اللي عمل مشروع واديه مضبط
مجرى سيوله بكل فن وتصانيع
سعود عبدالعزيز الهزاع - نعام
العاصمة صارت عروس تمشط
عريسها سلمان ريف المواجيع
اللي بحب الناس بالحيل مغبط
باني حضارتنا بكل المواضيع
سعود سعد الحافي، الرياض
وراه شجعان على الوقت بالضبط
في خطة معها نظام وتوزيع
ناس يشد أعمالها قوة الربط
ما بين تطوير وفن وتوسيع
علي رشيد الرشيد - رياض الخبراء
ترى المراكب يمن يسار تصفط
على ضفافه من شهورن واسابيع
بعد المطر والسيل تنزل وتقلط
فيهو لنا من فضل ربي منافيع
علي آل زولان الفيفي، بيشة
الكل من وادي حنيفة انبسط
يوم مشروعه تحدا المشاريع
وادي بقلب المملكه والوسط
وكانوا وراه امهندسين(ن) بواريع
سعود عائش التميمي الحربي، القاهرة
بيت الأسبوع القادم
حول ما طرحناه من فوز جريدة «الرياض» بجائزة أفضل جريدة عربية لعام 2010م فقد أرسل للصفحة عدة شعراء مشكورين أبياتاً مقترحة ننشرها جميعاً وسوف يكون الصدى للبيت خاضعاً لرغبة القارئ العزيز.
البيت الأول للشاعر سالم البشري من الجبيل على نوع العرضة ويقول:
يا صحيفتنا العزيزة عسى عزك يدوم
لك حضور بالمحافل يطول الجايزه
البيت الثاني:
للشاعر علي آل زولان الفيفي من بيشة ويقول:
تستاهلين الفوز يا تاج الصحف
يا درة الإعلام في خير البلد
البيت الثالث:
للشاعر حمد عبدالله الوايلي من حوطة سدير ويقول:
منهو يدور فالمحافل والاخبار
هذي رياض الخير تنشر خبرها
البيت الرابع:
للشاعر مبارك محمد طرجم الصغاوين من وادي الدواسر
فوز الرياض الصحيفة من عوايدها
عاداتها دايماً فالمركز العالي
البيت الخامس:
للشاعر سلطان بن حمد الحبابي. من الطائف:
ملتقى إعلام العرب من محيط إلى الخليج
الرياض افضل صحيفة تنال الجايزة
البيت السادس:
للشاعر عبدالكريم بن خزيم من البكيرية
فوز الرياض يمثلك يا السعودي
متميزة جريدتك بالمضامين
البيت السابع:
للشاعر عبدالرحمن آل قمع من الرياض..
للرياض اهدو التهاني يا محبين الرياض
يا جريدة حققت فوز تمناه الكثير
كما نؤكد على أنه لا مانع من الشعراء الذين طرحوا بيت الأسبوع من المشاركة.
نستقبل صدى الأبيات على الفاكس (4871070) أو الايميل
RB-khozama@alriyadh.com
مقترح لموضوع بيت الأسبوع القادم
المبالغة في غلاء الابل بشكل غير مسبوق.