بيت وصدى

الأسبوع الماضي كان بيت الأسبوع من طرح الشاعر عبدالعزيز علي الصالح من حايل والذي يدور حول قضية افتقار الأحياء الشعبية للمتنزهات والحدائق والبيت يقول:
راع القصر حديقته داخل البيت
ماهو بحاجة منتزه داخل الحي
وكان الصدى من الشعراء:
يا صاح مهما قلت ياليت ياليت
الحي شعبي بلا شك منسي
واليوم نطلب سيدي ذايع الصيت
يجزل على الأحياء من الظل والضي
الأمر بيده بعد من يحيي الميت
منصور أمره لا ومر يحصل الشي
علي جابر آل زولان الفيفي - بيشة
يالبيت فيه اذنين تصفي لنا ليت
تحط مشروع الحدائق مع الري
ليرحت يم أحياء الشمال وتمشيت
أشوف بخشات من الذين تغري
وبعض المناطق لصبعك كان عديت
حدائق ومن كثر الأجانب تشكي
سعود عبدالعزيز الهزاع - نعام
ليت البلديه تكرم وياليت
تنشئ بكل حاره حديقه لها في
يرتاح بها السكان من وين حليت
واطفالهم تلعب ولا همهم شي
البيوت القديمه وين ما رحت أوجيت
شوارع ضيقه ومعوجه شوي
عبدالله علي الحوشاني، الرياض
تملك قصر لاهل السكن حلم ياليت
وبعض العرب ماله سكن بعد ياخي
فان كان بيته عدة امتار ظنيت
فحلم الحديقه داخل البيت لاشي
شاهد وتحكم في الحواري إلى جيت
كم لاعب تلقاه في شارع الحي
راشد الورثان - الأفلاج
وانا ليا جا القيظ لبعيد شديت
يم البراد وطفت كل النواحي
امشي وأردد قول ياليت ياليت
تنشئ حديقة جنب بيتي وناحي
من أجل لي مني من البيت مليت
اطلع لها والقى بها انسي وراحي
مبروك بن سالم بن ماضي
فاضت عيوني دمعها يوم مريت
ذاك المكان وشفتلي شي ياخي
فل التطور شفته بزود وانعيت
ذكرى وعشناها من الماضي شوي
واليوم عساها تزين ونقول ياليت
وتسعد اهالي الحي من بنت وصبي
عبدالله ذياب الفهيدي - بريدة
واللي بحاجة دايم يقول ياليت
من هالحدايق ليت يحصلنا شي
وانا تراي بعالي الصوت ونيت
مافيه من يسمع ونيني ويوحي
ليت الامانه بالحدايق لها صيت
وتكثر الاشجار وتكثف الري
علي الرشيد - رياض الخبراء
اولادنا وسط الحواري ولاجيت
اشوفهم دايم على حزة ضحي
مع الشوارع والبواري لها صيت
ازعاج في بيتك ولو بيتك نحي
وين المكان الي ابيه وتسليت
ابيك تعذريلي ضميرك صحي
حمد عبدالله الوايلي - حوطة سدير
بيت الأسبوع
تجاوباً مع مقترح الأخ بطاح الجعفري من الرياض حول التبذير في المناسبات وحفلات الأفراح أرسل للصفحة الشاعر محمد عبدالعزيز الخنيفر من الرياض ويقول:
نشاهد التبذير في بعض الأعراس
وصحون تنثر للأسف بالنفايات
نستقبل صدى هذا البيت بثلاثة أبيات فقط حول موضوع التبذير في المناسبات وذلك على الفاكس (01/4871070) ويفضل الارسال عبر الايميل rb-khozama@alriyadh.com