كان بيت الأسبوع الماضي لمعد هذه الزاوية بمناسبة نشر الاسس والمبادئ ورسم الخطط السنوية لمواجهة اضرار المخدرات والمؤثرات العقلية ومخاطر انتشارها ويقول: كم شتت اسره وكم دمرت بيت الآفه اللي كيف نفتك منها وكان صدى البيت من الشعراء: كم ميِّتٍ وجهه بِوَسط التواليت من أجل لحظة كيف عمره ثمنها مخدرات وخمر كم دمرت بيت الله لعن من ذاقها وامتهنها أنا أشهد إنك يابن نايف تحدِّيت أهل السموم اللي تعيث بعفنها بلا هواده ضدهم حرب شنيت ماعاشت نفوسٍ تخون بوطنها ياللي تعاطاها قبل قول ياليت أقلع ونفسك عن هل الشر صنها ناصر بن جمعان آل عوض/ وادي الدواسر بعض البشر مسكين لا حي ولا ميت وأهله من أجله دايم في حزنها والبعض الآخر وكلمته قال يا ريت طاوع نفوس فاشلة في زمنها والبعض منهم قال يا كيف سويت هذي فعولك كيف ما جزت عنها محمد عبدالعزيز الخنيفر/ أشيقر كم واحد فكر و ثم قال يا ليت تركتها أول وجنبت عنها خلك حذر من قبل لا تقول زليت الرابح اللي فكه الله منها ترى المخدر يا جماعه دناميت احذر تورط وابعد النفس عنها اذا بذلت النصح للناس وفيت ابعد عن الورطه وحارب دخنها علي رشيد الرشيد/ رياض الخبراء يا ما سمعت يقال ووحيت ووحيت مخدرات يشيب العقل منها اخذ الحذر ماينفعك قولتك ليت والنفس عاكسها وجود رسنها حذر عيالك ونتبه وين ماجيت كم واحداً ياقع بها مافطنها ناساً تفوز بغلطتك كانك اخطيت ذى لك نصيحه قلت لك شدعنها سعد صنهات السهلي/ الدرعيه هذا المخدر شتت نفوس تشتيت كم من مريض حالته ما ضمنها رفقة رفاق السو كم خربوا بيت لا تفقدون عيالكم من سكنها يا ولي أمره واجب إنك تحريت فلذات كبدك اترك البعد عنها ريان محمد الخنيفر/ الرياض الله حسيبه كل مااصبحت وامسيت اللي يدور سلعته من ثمنها يهلك عباد الله ويطفي الليت ويفكك الاسره ويبعدك عنها المسأله ماهيب غلطه او اخطيت المسأله اكبر من اللي ضمنها والخافي اكبر كان صرحت وابديت والله يضر اللي جلبها وعجنها حمد عبدالله الوايلي/ حوطة سدير يبيعها من الناس، ناس سرابيت ويروح فيها من دفع له ثمنها منها العصب في المخ يصبح كما الميت حسبي على اللي باعها وامتهنها لها اسامي تكلفك لين عديت لو تسمع اسماهن ماعرفت شي منها وتسأل عن الفكة بقول الك فالبيت تكاتف اهل الحي يعجل دفنها سعود بن عبدالعزيز الهزاع/ نعام مخدرات تذهب العقل وتميت خبائث قد حذر الرب منها قتلٍ وسَرْقه وطلاق وتشتيت وامُور يأبى الذوق ينبيك عنها آفه مآسيها بقوة ديناميت بأيدي شباب مدمره لوطنها لابد من حربٍ لها هيبه وصيت تبذل علاج وللمُروج كفنها عبداللطيف الحُمَيَّانِي/ عنيزة من هو تورط ما نفع قول ياليت ضيق المعيشة ثم يلبس كفنها" احفظ عيالك كلما اصبحت وامسيت ومن يهمل عياله بيدفع ثمنها" اللي متعاطي لا بحيٍ ولا ميت يا كيف روحه للمخدر رهنها" ترى المصحة نافعة كاني اوحيت إلحق على المدمن وعالج عفنها" عثمان ابراهيم الرشيد/ الرياض ضعها تحت الأقدام يا ذايع الصيت واكبح جماح النفس وابتعد عنها تبها قبل يوم توارى مع الميت واستغفر اللي يسألك عن ثمنها ترى المصيبة كلها لا تماديت فقدان عقلك والشرف يا خدنها ثم عذاب الله في هاويه هيت والخزي في دنيا مطمه فتنها علي الزولاني الفيفي - بيشة بيت الاسبوع يكتبه اليوم الشاعر ناصر بن جمعان آل عوض من وادي الدواسر حول ما يبذله رجال الامن الأشاوس من الدفاع عن حدود وطننا الغالي وما يتعرضون له من أخطار جسيمة مفادين بارواحهم لحماية هذا الوطن الغالي ويقول: حرس حدود بلادنا ياسندنا الله ينصركم على كلِّ خوان نستقبل صدى هذا البيت بأربعة أبيات فقط تدور حول هذا الموضوع ويفضل الإرسال عبر الإيميل: [email protected] أو على الفاكس 4871070/ 011 كما يسرنا مشاركة القراء بموضوع البيت ومن الشعراء بطرح بيت الاسبوع حول اي موضوع
