بيت وصدى

الأسبوع الماضي كان بيت الأسبوع من طرح الشاعر ريان محمد الخنيفر من الرياض والذي يناقش قصية مشكلة الشاحنات ومضايقتها لحركة السير والتسبب في كثير من الحوادث والزحام الشديد والبيت يقول:
الشاحنة وسط الشوارع خطيرة
كم خوفت ناس وكم ذبحت ناس
فقد كان الصدى من الشعراء رائعاً حيث ناقشوا فيه جوانب عديدة من المشكلة.
واللي بها قاعد يجاكر بسيره
ما يمتلك عقل ولا ذرة إحساس
ياليت يكفي الناس شره وخيره
من قبل ما يوقع له الفاس في الرأس
ما دام ما له في السواقه بصيره
وش له يطامر في الشوارع بلا قياس
مبروك بن سالم بن ماضي
يالله عسى في الأمر بالبرع خيره
وتطلق بنا يالله من شر خناس
لو كان سايق يلتزم في مسيره
ما شفتو أبداً هالمجازر لها ساس
الشاحنة أكيد فعلا خطيره
مثل الجمل لا هاج ما شاف له داس
راشد الورثان - الأفلاح
سواقها بالأمس يحصد عشيره
على النفوس الأبريا عد وكلاس
ينافس الطيار ساعة مطيره
والمنعطف ياجيه أسرع من الماس
ما يلتزم بالأنظمة في مسيره
يمشي على كيفه من العاس للعاس
علي جابر آل زولان الفيفي - بيشة
امجهز التامين في كل ديره
وان زعل من حاجه على بنصها داس
حلال غيره ما نشد عن مصيره
وانقلت وش علمك قعد يدرج الراس
يبلشك وتصير الصغيره وكبيره
منتب وكيل آدم على ساير الناس
غنام مسعود القريشي - نعام
الشاحنه كم عطلت من مسيره
لا شافها السواق وسط البلد خاس
ما غير رجوا الله خير وخيره
يابومحمد شاب منها اسود الراس
مير البلا السواق لافر ويره
كم طيب تحت الكفارات منداس
يا زين شوف البر لطبرب هديره
اخير من لجت تريلا واحساس
محمد زايد الروقي - مدينة الجمش
عمال قادو عن صغيرة كبيره
غربه وضيق وهم وإرهاق وإنعاس
الدرب له كنه ولا فيه غيره
وأكبر خطأ عذره عنه هزة الراس
يا ليت يمنع سيرها وسط ديره
بالدايري تمشي على الهون لا باس
فهد بن عقيل الطويان - بريدة
لا صار سايقها يخالف مسيره
بنت حداها الوقت والنوم بالراس
والله يعلم بالجهر والسريره
خلك حذر لا ياقع الفاس بالرأس
من دوام الاذكار ربي يجيره
والناس عنده للمهمات مياس
علي الرشيد - رياض الخبراء
وين المرور وين وانخوا مديره
قولو لبن مقبل من الراس لراس
كوده يشوف الناقلات الكثيره
وسط الشوارع قلت يوجد وجع راس
السايق اللي مرتفع فوق غيره
والسايق الهندي لامن زعل داس
سعد صنهات السهلي - الدرعية
واضحة وضوح للعيون البصيره
يالي لكم في ساحة العرف نوماس
مواترن وسط الشوارع كبيره
مواتر تمشي بلا دم واحساس
تخالط في السير جمع ثريره
ثم سببت كل المشاكل من اساس
حمد عبدالله الوايلي - حوطة سدير
راحت نفوس(ن) من سببها غفيرة
من سايق(ن) طايش ولا عنده احساس
ما يلتزم بأوقات أثناء مسيره
ومثله يوقف ثم تجازى هالاجناس
لا من مشى ما يفكر بغيره
يصنع حوادث ويجعل الناس تحتاس
محمد بن عدالعزيز الخنيفر - أشيقر
فصفحة الرياض اخت الجزيرة
ريان الخنيفر دق الاجراس
ترى الشاحنة مشاكلها كثيرة
الطرق تشكي والوضع منحاس
يابو عيون على راحتنا سهيرة
ما للشاحنه جوف البلد مجلاس
عبدالمحسن غزاي العتيبي - الرياض
درأ الحوادث لا صفينا السريره
ولزم النظام أو وعينا يبعد اتعاس
الشاحنات بوسط مدن(ن) كبيره
زحمة شوارع مع حوادث للانفاس
يا مرور المزن يهل البصيره
حطوا نظام إلسيرها إبدرس وقياس
سعود عائيش التميمي الحربي - القاهرة
بيت الأسبوع
تجاوباً مع مقترح الأخ فراج الفراج حول موضوع حماية الأبناء والبنات من مروجي المنشطات قبيل الامتحانات النهائية أرسل للصفحة الشاعر شاطي الخليل من الرياض هذا البيت:
قبل اختبار عيالنا يكثر العرض
«للسم» ويسمى منشط للافكار
نستقبل صدى هذا البيت بثلاثة أبيات فقط تدور حول انتشار عصابات ترويج مخدرات باسم منشطات والضحية أبناؤنا والارسال عبر الفاكس 014871070 يفضل الارسال على الايميل rb-khozama@alriyadh.com
مقترح لموضوع بيت الأسبوع القادم
نقترح أن يكون قضية بيت الأسبوع القادم تسممات المطاعم وخاصة في فترة الاختبارات والعطلة القادمة وننتظر من الشعراء ارسال بيت حول هذا الموضوع الهام.