صورة الصورة

إحذر تنبّه عليه صدوع
أنته على البير متعلّي
كم واحدٍ صايرٍ مفجوع
عقب الفرح راح معتلّي
أبيار مكشوفه وفيها روع
تكفون شوفوا لها حلّي
حمد عبدالله الوايلي - حوطة سدير
هذي الحفر وسط البراري ومخفيّه
لامن حواجز يا كيف اليوم مهجوره
وين الرقابة عليها كيف منسيّه؟
لازم حواجز من أهل الطيب مشكوره
هذي رسالة على أهل الخير ووصيّه
لا تتركونه على هالحال مخطوره
محمد عبدالعزيز الخنيفر - اشيقر
ياللي تبي تخيّم وقاصد لك البر
ابعد عن أرضٍ مهملة عقب مشروع
تلقى آبارٍ مع دراكيل وحفر
عقب السيول الجارفة صارت صدوع
خلّك نبيهٍ للبزارين .. وأحذر
كم واحدٍ من سبّة البر مفجوع
سعود عبدالعزيز الهزاع - نعام
ياللي تهوجس خل عنك الهواجيس
أبعد ترى الأخطار حولك قريبه
الأرض عطشانة ولابه نواميس
وكم واحدٍ مثلك يناظر قليبه
أرتك على الله واطلبه يطرد إبليس
واطلب ولي العرش غيثٍ يجيبه
عثمان الرشيد - الرياض
أبارنا مكشوفه اليوم كثره
أخطارها والناس عنها يغفلون
مطلوب ردم البير.. والبير خطره
أخذ الحذر مطلوب للي يحفرون
والواجب المفروض ردمه وستره
وﻻّ الدفاع اليوم حذر بمليون
عبدالمحسن المحيسن - رياض الخبراء
أبعد عن الجرف لا ينهار
وأتطيح في وسط هالحفره
عفن الشّغل ما عليه أستار
اليوم بيّن قبل بكره
عبدالكريم عبدالرحمن السلوم - القرائن
هذا الخطر شفتوه من سبّة اهمال
لا من رقابة للأسف أهملوها
يا من يحل المشكلة كيف يا رجال
الشبك لا من شبك وقتٍ بنوها
إهمالكم يا ناس هذا هو الحال
وهذي مصايب والحذر تتركوها
ريان محمد الخنيفر - الرياض
الدايم الله .. والمخاليق رحّال
والرابح اللي فاز إبحسن الختامي
عند القبر وقت الظهر زول رجال
يسترجع الذكر لأحد الحشامي
هذا الذي مما أرى جال بالبال
وبعض الصور لها عديد احتمالي
سعود عائش الحربي - القاهرة
أبعد وجنّب لا تزل إبك الأقدام
إحذر تطيح بقاعةٍ ما لقوها
ياما فقدنا من البشر طول الأعوام
يا ليتهم بالدفن قاموا اردموها
خالد ناصر المخيمر - روضة سدير
صورة العدد السابق