صوت الصورة

يا شينها لا صرت ضايق.. وبلشان
ولا حولك أحدٍ بالزمن تعتزيبه
وطبيت في جواً من السيل مليان
وموترك بالشدات ما ينغزيبه
مقبل المحلسي - المجمعة
راع الصغيره داخل السيل محصور
طلع على التنده يفكر ومحتار
أبعد من النشبات منتاب مجبور
خلك بعيداً عن مجالات الاخطار
علي رشيد الرشيد - رياض الخبراء
الجم أزرق والموتر سماوي
طافحٍ مع السيل كنه سفينه
وراعيه كنه بارضٍ خلاوي
على «التنده» ينتظر مسعفينه
محمد سعد الجروي
صورة تغنيك عن كل تعليق
غيثٍ عميمٍ مع سيولٍ غزيره
حاصرت من كاد يصبح غريق
ياكم تمنتها سهول الجزيره
سعود عائش الحربي - القاهرة
لاجا نهار السيل تفرح به التابس
لكن نشوف البعض يمشي للاخطار
ترى الحذر مطلوب من قبل الاتعاس
اجلس بدارك خص في وقت الامطار
محمد بن عبدالعزيز الخنيفر - أشيقر
يا ونتي ونت الغرقان
اللي طلع فوق هالتنده
اللبس رطبٍ وهو بردان
جالس وهو يطلب النجده
عبدالكريم عبدالرحمن السلوم - القرائن
خلك على سطحها واقف
لا يطمرك عات الأمواجي
ترى الخطر دونكم زاحف
والليل من ظلمته داجي
علي آل زولان الفيفي - بيشة
الموتر اللي غرق بالسيل
كله من اسباب سواقه
يا صار ما تنتبه بالحيل
حذفات الاقدار بواقه
زبن مقبل العنزي - بريدة
ياللي تحاول تقطع السيل وش فيك
ترى الخطر هددك قاتل .. وذباح
ماهي شطاره مير الله ينجيك
وخل التهقوي عنك لو قيل سباح
خليف الحربي – الرياض
تحيرت فرقة الإنقاذ
و بحيرة المسك مليانه
بعد المطر رذرذ الرذراذ
وغريقهم ما انقضى شانه
غازي بن قاعد العتيبي- الداودمي
بعض العرب لاجا من الخير مطره
قاموا على ظهور المواتر يفرون
ودي بفزعه مير الأوضاع خطره
وانته عطيت الدرس للي يمرون
سعد الحماد - روضة سدير
الا يالله سترك من سيول ٍ جارفه تشتال
من اللي ما خذا حذره وغامر وأصبح يعاني
نصيحه لا تروح الروح والسبّه من الإهمال
تتبع للسلامه .. والسلامه مطلب إنساني
مقرن بن متعب الهرف – الرياض
السيل مهما كان لاتستهينه
ولا يغرك قولت ابا اتهقوى
موترك راح والمصيبه غبينه
انفذ بعمرك كان تقدر وتقوى
حمد عبدا لله الوايلي - حوطة سدير
عنده استلام وداهم الموتر السيل
خوفاً تراشح بدلته اعتلا فوق
أخلص ودور فزعةٍ أقبل الليل
شعبان تمشي والسما كلها بروق
سعودعبدالعزيز الهزاع – نعام
نرحب بمشاركاتكم الشعرية
على الايميل الخاص بصفحة الخزامى:
rb-khozama@alriyadh.com
أو الفاكس رقم: 4871070
ونستقبل الصور الهادفة والطريفة
زاوية ( صوت الصورة ) ..
صورة العدد الماضي