يا ناس لا تقربون البير كم واحد قبلكم طاحي دروب الخطر جلها تأثير يجيك خبل ومزاحي شبيب بن حمود القحطاني - المزاحمية البير يا صاحبي مثل البحر غدار احذر صغارنا يقربونه ناظر طيها كيف منها من الزمن فيها مهونة فزاع المخلفي لا لا تقرب ابتعد حيل ارجوك احذر من القلبان لا لا تجري ترى الفضول احيان يدعيك مربوك غلطه كبيره ليت شبك علي عبدالكريم إبراهيم بن خزيم - البكيرية يا ولد لا تهايق تنحدر بالقليب الخطر ما ثلن لك في وقوفك عليها الله يستر عليك من الخطر يا الحبيب يا خطرها عظيم بدون سور يحميها عبدالمحسن بن محمد الجريسي - الرياض عد قديم وكلهم عارفينه يوم القطين ويوم ورد ومصادير كل العرب يا صاحبي مجربينه نوب نزيل ونوب فوق المظاهير خليف بن فهيد الحربي - الرياض هذا غلط والموت حي ومكتوب يجيك لو برجك مشيد وعالي يا وليد حوطها بسور من الطوب يجزيك ربي بحسنات جزالي عبدالكريم النعيمشي الربيعية ياللي تفكر في تواريخ الاجداد مستغرب وش لون طوع صفاها اهل الجلد والصبر في رسوم الامجاد اللي تكى للهيب واللي طواها سعد الحماد - روضة سدير انت يلي على جال القليب انتبه وانذرك تقرب جالها لا تهايق ولو راسك صليب بير مكشوفه يزود اهمالها حمد بن عبدالله الوايلي - حوطة سدير صورة العدد يا عقلتن جالها منهار خطره على اللي يمر ابها والحل حطو عليها اسوار وبعدين يجيك صاحبها غازي قاعد العتيبي - الدوادمي يا ليتني كنت بمكان المصور ما كنت اخلي هالمصيدة للاطفال كنت ابحث بكل البراري وادور حديد واخشاب واسكره بالحال عبدالعزيز الصالح - حايل يحق لك تفخر وتعجب من البير وشلون سوى البير ذربين الايمان واحذر وركز لا يجي منك تقصير وتطيح وسط البير وتصير بلشان سلطان سعد السهلي - المجمعة يا اوليد حذرا عن القلبان مكشوفتن مالها جدران بيرن قديمه من الجدان اروت عطش كل بستان عبدالكريم عبدالرحمن السلوم - القرائن يا غلام قلي ويش انت شايف في البير اللي مرصوصة من سنين العد هذا مره شعوب وطوايف يا ما اسقى غرس واروى بداوين محمد سعد الجروي - الرياض يا ولد يا اللي على البير القديمه الحذر لا تنقصف ثم تهوي بك يا الله تاتي بالعواقب لك سليمه ما تفيدك ليت لوش يصيبك مبارك بن محمد بن طرجم - وادي الدواسر بير(ن) هدام(ن) من قديمات الاوقات والقرب منها مصدر(ن) للخطوره كانوا لها رواد زافات زافات واضحت من الماضي هبيه ومهجوره سعود عائش الحربي - القاهرة وين أنت رايح يا ولد لاعد مناك الارض هشه والقليب مهجوره اسلم على عمرك ورجع لخوياك لو طحت راح العمر والنهايه مخبوره خالد بن ناصر المخيمر - روضة سدير ياللي تناظر داخل البير حذراك ابعد عن دروب الخطر والمهالك مدري وش تدور عسى الرب يحماك ويحفظك ربي قره عيون واليك ناصر مسامح الشملاني - الرياض عاين من بعيد لا تنهد بك لبنه البير يمكن لها قرنين مطويه من جمها يشرب العطشان في الكنه واسقت زروع وركبان ورجليه سعود عبدالعزيز الهزاع نعام البئر مكشوفه ولا حولها حد الله يرحم شايب(ن) قد بناها عيدوا بناها قبل يا ناس تنهد كم واحد(ن) سابق على شرب ماها طلال بن غارم آل فرحان - الرياض شفت الخطر بالعين والبير مكشوف ليت الدفاع اليوم يعمله اسياج بير قديم والحصى طي ملفوف ياكثرهن ما بين رامات وسواج عبدالمحسن بن محمد المحيسن - رياض الخبراء ترى القهر مشهورة بكثر الابار لا من حواجز والحوادث كثيره اهمالها يجلب كثيرات الاخطار تكفون هموا يا رجال العشيره محمد بن عبدالعزيز الخنيفر - أشيقر
