ياما حلا تراث الاجدادي في كل عامٍ تشوفونه

ياما حلا تراث الاجدادي
في كل عامٍ تشوفونه
يحكي لنا ماضي الامجادي
شباب لازم يعرفونه
يجمع لنا حاضر وبادي
من كل صوبٍ يزورونه
عبدالكريم عبدالرحمن السلوم - القراين
صورة فريدة لها أثمان
والبنت يا ناس نشميه
معها الجمل فوقه الأوزان
هودج والأولوان ورديه
فواز سعود الحربي
يا وجد حالي زمانٍ فات
قلوب البشر حيل مرتاحه
والكل مرتاح في كل الأوقات
كما الجادل اللي على الساحه
سعد ناصر المسفر
المنظر اللي تشوفونه
رمز البداوة ترى يا ناس
وللعرس هودج يعدونه
لبنت البدو ظبي الأطعاسي
خالد الحارثي - الطائف
ياما حلا في شوفتك وأنت جمال
تمشي ورى الذود في صبح وعشيه
بنت النشاما اللي لهم قول وأفعال
في وسط محفل تمسك خطام المطيه
تحيي تراث أجدادنا وقت الأهوال
يوم لهم في نصرة الدين نيه
خالد ناصر المخيمر - روضة سدير
ثراثنا أمجاد الأفعالي
نشاهد أجمل صور حيه
تعكس لنا الماضي الغالي
مثل الهنوف السعوديه
حمود السبيعي
يا حلو وقتٍ مضى يا ناس
فيه البساطه والأوناسي
واليوم وقت الحضاره ولاباس
وقتي مضى ما نيب أنا ناسي
سطام الهذال
هذا الوطن فيه الأحباب
ومشاهد عروض الأجدادي
مسكٍ وعنبر ونفح أطياب
في كل جانب من بلادي
بشائر القحطاني - الرياض
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد السابق
Your browser does not support the video tag.