يوم الوطن لبلادنا غير الأيام

يوم الوطن لبلادنا غير الايام
يومٍ ما هوب اكمالةٍ من عددها
يومٍ يزيد الذائقه شعر وإلهام
نقطة تحول تسعد اللي رصدها
يسود فيها الامن والحق ويقام
العدل فيدين (ابو تركي) ولدها
(عبدالعزيز) وحي طاريه الامام
حرر بلاده.. من براثن نكدها
بالاجرب اللي بدد اوهام واحلام
واستبشرت دار السعود بسعدها
وفكت مخازنها على خير ما رام
وأغدق على الشعب السعودي مددها
لين أذعن اللي كان في خشمه عرام
وعقب الجهل نفسه كساها رشدها
ومن عقبه عياله على نهجه اكرام
بالسيره.. اللي كل واحد حمدها
واليوم حنا احفاد عن كل ضرغام
ناطا على رووس العدا ونهجدها
يا دارنا يا عزنا دار الاسلام
يدٍ تبي تمرتك.. سيفك جلدها
رفرف علمك بعالي المجد قدام
واللي طمع بالحد عنده وعدها
دونه رجالٍ تجعل عظامه حطام
والطمعه اللي رادها ما وجدها
لو لجلج الحوثي وعفاش الاقزام
حنا حُمَاة.. الدار وأمر وأدها
رجلي وطياره وصاروخ وألغام
تدك جحره ويتزايد وقدها
حنا لأهل صنعا ترى كلنا حزام
حزامٍ يرد الدار للي فقدها
لو صيحوا بايران عُبَّاد الاصنام
عيبٍ على العربان يوطا بلدها
خل المجوس اللي بها شر واجرام
تموت موت بسمها من كمدها
يادارنا يا مهبط الوحي مادام
حنا الطيور اللي يشرف هددها
دونك نبيع الروح من دون سوام
حنا.. جنود الدار وأخو فهدها