يكفي ( الرياض) اسمها واسم على حله

سعادة رئيس تحرير جريدة الرياض الغراء الأستاذ الكريم تركي بن عبدالله السديري تحية صادقة وتقدير الفضل لكم وبعد:-
أخوكم المحب فخور ومسرور بفوز الرياض التي تقودونها للافضل والأحسن حتى وصلت ما وصلت اليه من التطور والتقدير وحوز فوز السبق الصحفي على جرائد ومجلات دول الخليج بلا استثناء وهذا من حمد ربي دليل على جهودكم المميزة والتفاني بخدمة الرياض برأيكم وسياستكم الناجحة واخوتكم العاملين معكم.
ومافوز الرياض بجائزة افضل صحيفة خليجية ريادة وانجازا باهراً يفخر به الشعب كله محبو الرياض كعاصمة والرياض الجريدة الا نتائج ما تقومون به وما قمت به سابقاً لدليل قاطع على نيتكم الصافية وامانتكم الصادقة.
جريدة المملكة مع شعبنا كله
تميز بالتقدم في ريادتنا
الفخر والسبق في المضمار تحتله
بين الجرايد بنيل الفوز قادتنا
يكفي الرياض اسمها واسم على حله
تفخر ونفخر وتفخر به قيادتنا
اسم بنا مجدنا عاش المسمى له
منه انطلق وحدة الشعب وسيادتنا
من حقها تلبس التاج وتمثل له
يوم انها تستحقه في اشادتنا
بالصدق معروفة ماجات في زله
والسعي دايم تقوده لجل ارادتنا
امانة الكلمة تدّيها رضاً لله
والفايدة كم وكم بالعلم فادتنا
ماهيب محصورة في ناس لا والله
كم هي لمن يستطيع يجود نادتنا
لسان شعب يقول الحق ويدله
والمنظرة تكشف الخافي لسادتنا
هذي الرياض احب.. واحبها والله
من يوم كانت «يمامة» هي عمادتنا
طبع ونشر قريب شرقي «الحلة»
انا وناس كثير كم افادتنا
اليوم من فوق راس اطويق وامطله
تسعى خطاها حثيثة في سعادتنا
مهما مدحنا رياض المجد والملة
مجروحة من محبتها شهادتنا
ولمن وقف خلفها شكر مثنى له
يستاهلونه رجال في جريدتنا
عبدالله بن حمير آل سابر الدوسري
وادي الدواسر