اللغز

كان لغز الاسبوع الماضي للشاعر ضمن عواد السناني من ينبع البحر ويقول:
ياويش بنت تغير الثوب مره
في عامها الهجري لها يوم ميلاد
واليوم ثوب البنت لازم تزره
خمسة سنين تمر والثوب ماباد
والحلول من الشعراء:
يامرحبا في ضمن مليون مره
الشاعر اللي نظم اللغز وآجاد
والحل عندي جعل مالك مضره
اقامة المقيم يانسل الاجواد
احمد بن ناصر المحرج - الرياض
ضمن عسى الله ربنا مايضره
انشهد انه مبدع ٍ قرم الأولاد
لغزه ثمين وبالحنايا مقره
يعن الإقامه عمرها خمس ٍ وكاد
عبدالكريم ابراهيم ابن خزيّم - البكيرية
اللي يحب اللغز يلقى مقره
في صفحة خزامى مثبت بميعاد
البنت معروفه بخيره وشره
ترى الاقامه حلها يا بن عواد
علي رشيد الرشيد - رياض الخبراء
هذي الاقامه بالمكاتب تمره
تجديدها مطلوب توخذ وتنعاد
تمشي مع العمال من دون جره
لها بداية والنهاية بميعاد
محمد ابو دحيم - البدائع
اللغز واضح واثق فيه مره
هلا يا ابو خالد وياقرم الاولاد
اقامة العمال وفيها مضره
هذا هو حل اللغز ما فيه ترداد
فالح غازي الحربي - رياض الخبراء
رخصَتْك لا تقضي على حين غره
إن طوّفت غرامةٍ ونت سداد
اقامة المقيم بحره وبره
صارت اتجدد كل خمس بميعاد
عبداللطيف الحُمَيَّانِي - عنيزة
وعلى وزن وقافية اخرى:
لغزاسناني صعيب ومشغلن فكري
هوفرفكر ي وانا حاولت بفره
هاذي القامه جديده كان ما تدري
كم واحدن قلت لغزك يمكن يغره
سعد صنهات السهلي - الدرعيه
لغز الاسبوع
يكتبه معد الزاوية ويقول:
يامن عرف بنت سواة الهلالي
على ظهر بنت تسمت برجال
الاوله موسومة بالمقالي
والثانيه تجري بالاقفا والاقبال
لا احتجتهن تاقف لهن ياحلالي
وعينك ويمناك الكريمه لها ارقال
نستقبل الحلول على البريد الإلكتروني
rb-khozama@alriyadh.com
أو الفاكس 014871070