اللغز

كان لغز الاسبوع الماضي للشاعر احمد بن ناصر المحرج - الرياض
بنت موجودة مع الناس اجمعين
مع حضر مع بدوان مع كل البشر
تحضر بأوقاتٍ قديمة من سنين
وتغاب نوبٍ ما تجي معها عذر
البعض يقدمها ولو إنه حزين
والبعض يبخل دايماً منها حذر
في الدين مذكورة ويعرفها الفطين
في موقعٍ مرفوع ويتعدى المتر
للنفس منها لذة بشكل مكين
في المملكة والعالم وحتى مصر
والحلول من الشعراء:
مرحبا في شاعر (ن) نظمه مكين
مورد قافه مثل عذب النهر
من قريت اللغز قلنا يا معين
دوك حل اللغز والمعنى بحر
بسمة تلقى على محيا جبين
تبعث الراحه ومن يصبر قدر
فزاع عبدالله الشمري - حائل
يا ابو ناصر مرحبا عد السنين
يا هلا يا مسهلا لغزك درر
حله البسمه عسانا مهتدين
نفعل السنه باقامه او سفر
علي رشيد الرشيد - رياض الخبراء
الله يحيي شاعر قوله رزين
واللغز حليته ونبغى له نشر
الابتسامه سيمة المرء الفطين
ومن لابتسم تلقى حياته في كدر
صالح المرشود - الرياض
يامرحبا في مرحبا واللغز زين
من شاعر ابياته مثل ماء النهر
والحل ضحكه وابتسامه يافطين
وليلة قمر خمسة عشر صارت بدر
صالح محسن الجعفري - الرياض
الابتسامه حل لغزك يا فطين
قريت لغزك عند ربعي واشتهر
اللغز هذا صحّا ناس غافلين
بعض البشر ما يبتسم طول الدهر
محمد ابو دحيم العريني - البدائع
أحمد كتب له لغز مكنونه ثمين
والشمري في صفحة ألغازه نشر
واللي نوى فالخير ربي له يعين
لو (يبتسم) حسنته تكتب في عشر
واللي يزينها مع العالم تزين
والله يخارجنا من الناس القشر
ضمن عواد السناني - ينبع البحر
لغز الاسبوع
يكتبه للصفحة الشاعر صالح عبدالله الصميت ويقول:
يا ويش بنتٍ بالوصايف فريده
بالصيت معروفه ومن عصر الأجداد
لا قام زوج البنت نامت وحيدة
تأتي بميعادٍ وتسري بميعاد
اللص يبغضها وهي ما تريده
والصقر يعشقها وما زاد ما فاد
نستقبل الحلول على البريد الإلكتروني
rb-khozama@alriyadh.com
أو الفاكس 014871070