عواكيس

*مساء الخير عكوسي يقول البعض ان اسوأ مباراة لمرعي هي مباراة الهلال والتعاون تهقى ناسين مباراة الشباب العام؟
متعب الدوسري - الافلاج
- ما نسينا هاشتاق مرعي يعيد للتحكيم هيبته!
*المشاغب معوكس ليه كل فترة تسجيل يتصدر الاتحاد والنصر القائمة ومتى بيدفعون دراهم اللاعبين؟
أحمد المجيول - شقراء
- وع ذلك بنسجل ونسجل ونسجل
*الناقد الكبير الشيخ معوكس وش رايك في تغيير مدرب الهلال ريجي لحمد الحمد في مباراة الرائد، وهل تعتقد أنه بيأثر على نفسية اللاعب؟
محمد الزامل - الدمام
- ريجي نسى إنه مغير الحمد وجاء بيكحلها وأعماها والمشكلة اللي بجنبه لا حس ولا خبر!
*أخ معوكس بماذا تفسر الهبوط القوي في مستوى الفتح رغم انه حقق الدوري قبل موسمين؟
خالد الجبر - الأحساء
- ما صار هبوط إلا دحدره ياخوفي بكره نشوفه في دوري المناطق وعندها لا جبالي ينفع ولا التون يفيد!
*الناقد المميز ابو شنب معوكس من تتوقع يفوز في مباراة الهلال والنصر اليوم وكم تتوقع النتيجة؟
عبدالمجيد الحسين - حوطة سدير
- النتيجة عند الحكم الخواجة!
*الناقد الأشهر والأجمل معوكس تهقى منتخبنا يسوي شيء في كاس آسيا؟
علي العريني - رياض الخبراء
- ما أظن وهم ما لقوا مدرب إلى اليوم الظاهر ما عندهم إلا القروني وأحمد زايد والقريني المدير وقضينا!
*عكوسي ليه قلبوا على اداري الفيصلي واشتكوه مع أن عبدالغني هو اللي بصق في وجهه؟
ليان العتيبي - الرياض
- الخبر عند اللي يقول البصق جزء من اللعبة!
* الحبيب معوكس يقولون الهلال متورط بديون واجد ولا يقدر يسجل وشرايك في هالحتسي يا ابو العواكيس؟
تركي الحربي - المدينة المنورة
- الكل ورطان به الديون والأمل في الرئيس العام يضع حد لهذه الديون والهياط اللي ما له سنع بين رؤساء الأندية!
*خفيف الدم ابو العواكيس وش رايك في استقالة أبو داود تتوقع انه تغدى بهم قبل ما يتعشون به؟
محمد الفريان - الرياض
- العلم عند ابوداود نفسه والمشكلة ان من حفر له هو اداري سابق يطبق مقولة لاعبوني وإلا باخرب!
*وش قصة الاتحاد يا معوكس كل يوم يخترعون اسم شركة ويقولون بنوقع معها؟
سامي الفضلي- حفر الباطن
- عقب الشيكات المفتوحة والشيكات اللي من دون رصيد ماهو الظاهر بيلقون راعي وعلى جدة راعين!
* تتوقع ان ناصر الجوهر هو رجل المرحلة يا عكوسي؟
غازي العتيبي - الدوادمي
- لا راحت على الجوهر ما لها القروني بس عساه أخذ فلوسه من الاتحاد!
*ابو العواكيس ليه الرائد ما اشتكى النصر في مستحقات الجبرين؟
وليد الفوزان - الرياض
- اسال الجفن وربعه اللي ماقصروا لين وصلوا الجبرين للنصر ويوم جاء الصج والديون ما احد دفع!
*الناقد المخضرم معوكس ليه ما طلعت قضية مستحقات ياسر الشهراني وناصر الشمراني الا قبل مباراة النصر تتوقع مقصودة؟
عساف الاسلمي - حائل
- مقصودة شوي إلا مقصودة وزيادة وليش بعد ابعدوا سيدني من مجموعة الهلال؟
*التعاون كل سنة ينظلم قدام النادي الشهير وما يتكلم الا المدرب وش جاهم صرحوا كلهم عقب الهلال؟
خالد الدخيل - ثرمداء
- عقب المدرج المشروخ توقع كل شيء.
* الأخ معكوسي كيف لقيت قرعة دوري ابطال آسيا؟
حمد بريك الدوسري- العزيزية- الرياض
- صراحة ظلموا أحد ممثلين الكرة السعودية يوم حطوا مجموعته أربع فرق وفريق آخر بس ثلاثة فرق... حتى في آسيا يسهلون مهمة النادي المدلل.
* العزيز عكوسي... اشوف المهلل والداود والعويران وفؤاد راجعين للشباب وش دورهم بالضبط؟
سعد الشهراني
- يقدحون من رؤوسهم!