عواكيس

* صديق الجميع معوكس.. وش سالفة الحرب على بعض اللجان.. يعني يا تصير معي والا نشوف غيرك.. وين النظام وليش ما يتكلم ويدافع المتحدث الرسمي؟
راشد الدوسري - الخبر
- النظام سيكام بال وقولوا للغالي.. قولوا له!
* الاستاذ ابو العواكيس.. وش السالفة اللي كانوا يقولون الهلال مارايح يتعدى الدور ويوم تأهل قالوا حده الفريق الاوزبكي،، ويوم فاز قالوا السد قدامك، ويوم تأهل قالوا العين في طريقك.. وهالحين يقولون ان بطولة اسيا هلالية.. ممكن تفيدنا؟
محمد العمري - جدة
- اقول الله يعينهم على أنفيساتهم وهي ليلة الأربعاء ليلة عليهم!
* الحبيب معوكس اكثر لجنة اخطاء هي الحكام، وبالرغم من ذلك ساكتة بعض الاندية عنها.. شكل هذه اللجنة عندها حظ رهيب وعجيب؟
بندر الهاجري - الدمام
- عندها مقيم رهيب!
* استاذ الاعلام الساخر معوكس صحيح أن هناك تقارب هلالي اتحادي.. اتوقع لو صار يبي ينجلط بعض الناس؟
يوسف الرشيد - الرياض
- أن حصل راحوا فيها بعض الناس العميد.. وتلميذه!
* الاخ العزيز معوكس وش رأيك بالمذيع اللي متضايق من فوز نادي بلده.. ووده يقول الفوز هدية وأنتم ما تستحقون الفوز بس مستحي؟
عبدالله الحميد - ابها
- شكله مضغوط ومندي ودجاج على الفحم!
* حبيبنا وصديقنا معوكس ربما أول مرة هناك ناس يهاجمون التحكيم بس ما ينتقدون حكم الساحة ويتطرقون لهفواته.. وش السر؟
خالد العتيبي - الطائف
- ينتقدونه ليش وركلة الجزاء قدامه وكنه شاهد ما شافش حاجه!
* الغالي معوكس متى نشوفك عضوا في أحد اللجان.. مانت اقل من اللي يشخصون بالعضوية والنتيجة ماني قايلها.. قلها أنت؟
خالد السعيد - المدينة المنورة
- النتيجة اتحول لمتحدث ينفي الاخبار اللي على فريقه!
* الخبير الرياضي معوكس دائما انت تتحدث عن النظام وتطالب بالحزم أحمد ربك مانت رئيس لجنة والا كان هالحين حلوا لجنتك وجابوا رئيس دوره التوقيع بس؟
رائد الشهراني - جدة
- هو رئيس اللجنة بس اللي دوره التوقيع المصيبة البيانات اللي يمين ويسار وصاحب الصلاحية يوقع بالفاكس!
* صاحب المليون رسالة ابو العواكيس انا ودي اعرف ليش أحد المذيعين متحمس مع طرف ويدافع في التويتر وين الحياد ولا الميول طاغي عليه؟
نواف الصيخان - حي الفلاح
- لا تدور حياد الا مع مصطفى ووليد!
*عزيزي معوكس اللي أعرفه أنك محلل فني بارع ما تشوف ان لاعب الهلال عبدالعزيز الدوسري مستواه نازل مرة وعطاه ريجي مية فرصة ومافيه فايده ودي أعرف من اللي أوصى بالتجديد معه؟
بندر العصاي - عنيزة
- يقولون بتوصية من مورينهو!
* الغالي معوكس: معقوله رجل الخط يحتسب ركلتي جزاء وحكم الساحه وهي قدام عينه شغلته ماغير يصفر ليه مايعرف القانون؟
عاشقة الموج الأزرق - القصيم
- ما يعرف الاورج والكمان!
*الناقد الساخر معوكس الله يا بعض المطبوعات المتخصصه والبرامج الفضائية ليلة الإربعاء شكلهم ناموا بدري ولا وش رايك؟
بندر العلي - جده
- عساكم ما نتاب هم نوم وكوابيس والجايات أكثر!
* الاملح والاجمل عكوسي: مازلت في الأسهم ولا طلعت خبري بك هامور وتحب المغامره خاصة في المضاربة
حمد الدوسري - ابومبارك - العزيزية
- لا بالله انا حبيب ولا احب الطقاق وحدي حولكم سوق الحمام!
*عزيزي معوكس ودي أعرف وين الإعلام عن جمهور الهلال بصراحه حضور وإبداع لا قبله ولا بعده نشيد وطني ومثالية نظفوا المدرجات واكرموا جمهور العين بالوجبات والعصير وشرفوا بالتشجيع والتيفو الجميل
محمد السليمان - الرياض
- ما قصروا بيض الله وجيههم وفالهم الآسيوية اللي ان جابوها بعض الناس (ربع صعبة قوية) يبون يدوخون دوخة قوية!