عواكيس

* الاخ معكوس تصدق ان اهتمام الاعلام في «ديربي» الهلال والنصر اكثر من الاهتمام في المنتخب، يعني اصبحت الجماهير والاعلام تتعصب للاندية وش السالفة؟
متعب صويان
- اصبحت وأمست والبركة في برامج الظهيرة والشميسي القديم!
* الاستاذ معوكس اليوم ضحكت الله يكفينا شر الضحك والسبب اني اسمع محلل مدري خبير علم نفس يقول ياسر يقلد كاكا واسامة يقلد بوشكاش، وشو ذا بعد بوشكاش ويقول حسين عبد الغني يديه تلعب اكثر من رجليه وش السالفة من بقى بعد انتظره يقول شي ويقول هذا سبب ضياع المنتخب؟
اخوك ابو ريالين
- وهو بعد يقلد المستكاوي!
* العزيز معكوس لن نجد مثل الاستاذ عبد الرحمن الدهام الامين العام للاتحاد السعودي والمحلل عن لجنة الحكام فعلا فاهم وواعي في الرياضة الله يذكره بالخير وغيره الله يصبرنا عليهم
متعب الشمري
- ابوعزيز ما يحتاج مدافع سنتر هاف مون!
* الحبيب معوكس وش قصة رئيس التعاون مع رابطة الاندية والهجوم ضدها، وخبرنا عن اللاعب ايفلوا عساه طيب، صراحة فجعنا بخبر مرضه؟
راشد الدوسري - الخبر
- عساه طيب لكن كان الدعوى صدق يصرفونه ماناب ناقصين كرونا واخواتها!
* الناقد معوكس هالحين وين الاعلام عن اعترافات الطبيب حول محاولة البعض الحاق الضرر بياسر القحطاني، ليش اهتم بالاحداث الاخرى ونسي هذا الحدث؟
فهد الرشيد - الرياض
- نسي الحدث والعنوان الشهير واعترافات الخولي!
* المنسم ابو العواكيس وش تتوقع في المستقبل لبعض المحللين الحكام اذا جت نتيجة «الديربي» على غير هواهم؟
يوسف العبدلله- الجوف
- شالوها مع العجراء الهوى هواية!
* الرائع معوكس وين المركز الاعلامي بالهلال صحيح ان هناك من لايريد له الظهور، ايضا وين الرابطة او خايفين من صوت الجماهير؟
الهلالي محمد الفهد - الرياض
- للتقبيل بقرار من بلد الضباب!
*عزيزي معوكس مارأيك بهدية صديقي المشجع النصراوي لافي العنزي لمحترف النصر ايفرتون بمناسبة مولوده الجديد اللي سماه لافي؟
صديقك صحن قايم العنزي - القيصومة
- انت فاهم غلط اسمه لافنيو البرتو بريرا!
* صاحب المليون رسالة ابو العواكيس تحية محبه وتقدير وبعد:
وش رايك بالحديث اللي كله فبركة مع الكابتن الشهير ابو فهد بس ودي افهم وشلون مشت عليه وعطاهم وجه وهم يسعون للاساءة لفريقه وش لسان حال جمهور الهلال يقول؟
نواف الصيخان - حي الفلاح
- يقول كل ماقلت هانت جد علمن جديد!
* قاهرهم وحابس دمهم ابو العواكيس تحية وبعد تتوقع نشوف الكابتن عبدالله العنزي يحمي عرين مرمى فريقنا العالمي في ديربي الوسطى امام الهلال ولاتمنعه الاصابة اللي نسقوه باسبابها؟
عاشق العالمي - سطام
- ابدا بتشوفه مثل ماشفت خالد الغامدي ايام المنتخب الرديف!
*الغالي ابو العواكيس تحية طيبة وبعد مارأيك بمدير المركز الاعلامي الذي شبه احدهم متهكما بانه حسنين هيكل؟
أحمد الحمد - بريدة
- المشكلة هيكل يقولون مايتوزى عن الركلات الترجيحية!
* الاملح وخفيف الدم الناقد الساخر ابو العواكيس
تتوقع قصة اصابة محترف التعاون ايفلو مجرد حرب نفسية بين الجارين الرائد والتعاون قبل مواجهة الديربي الهامة؟
خالد ابو حمد - بريدة
- هامة.. الله واكبر يالبرشا والريال!
* الناقد الساخر الاول معوكس برايك لو نجح عضو الشرف ووصل كرسي الرئاسة من الخاسر الاكبر
علي المالكي - جدة
- ماغيره عميد... وصديقه وثالثهم اللي التم المتعوس على خايب الرجاء!
* عزيزي الصديق الوفي معوكس بصراحة ماادري كيف ابدا وويش اقول اثلجت صدري بعد ماعطيتني وجه ورديت علي ابدا ماني مصدق شكلك كنت زعلان ورضيت علي لكن ابشر بالرضاوة
صديقك - حمد الدوسري - ابو مبارك - حي العزيزية
- اثلجت صدرك زودا على برد الرياض عليك بالفروة من سوق الزل!
مع تحيات معوكس وسلامتكم