عواكيس

* الاخ معكوس المحترم سؤال برئ لرعاية الشباب هل من حق اي رئيس نادي منع اي مواطن من دخول الاندية نرجو الاجابة حتى نفهم ونكون في الصورة؟
متعب الشمري
- أفهم وخلك في الصورة وكبرها يافهيم!
* الاخ معوكس مارأيك في كلام احمد عيد ان الاتحاد الايراني قدم اعتذاره وطلب حل القضية مع الهلال وديًا؟
سفير الحلة - الخبراء
-وش عليه ابوعيد ماجاه على رأسه ماجاء بعض اللاعبين!
* العزيز معكوس الطيب لماذا جماهير النصر تتابع الهلال اكثر من فريقها وتبحث عن اي هزيمة هلالية وتساند الفرق الاجنبية ضد الهلال ليه هذا الكره؟
متعب صويان
- لاتلومها كل موسم اجازة سعيدة!
*الحبيب معوكس افدنا ماذا حدث في نهائي كأس العرب؟ وعلمنا وش اللي تغير تجاه خليل جلال عندما كانوا ينادونه خليل هلال والآن يدافعون عنه.. وش اللي صاير؟
راشد الدوسري- الخبر
-أبدًا خبصها وجاب العيد!
* ابو العواكيس يقولون انك توزع الالقاب على فريقك المفضل ولاعبيه بالمجان.. وانك ما غير تطالع المواقع والكتب واي لقب يعجبك تجيره لفريقك؟
فهد العوفي- المدينة المنورة
-ذاك غيري يسويها من زود الافلاس!
* صاحب الدم الخفيف معوكس كيف رأيت مباراة الذهاب بين الهلال والخويا.. عساك راضٍ عن النتيجة؟
بدر احمد - جدة
-مطرسها المرشدي والداهية ويسلي!
* الاستاذ ابو العواكيس ألا توافقني الرأي أن ادارة الاتحاد زحلقت محمد نور ونجحت في ذلك؟
عبدالله التميمي
- نجحت مع مرتبة الشرف!
* الصديق معوكس وين اختفوا اللي ظهروا في مباراة الهلال والاتحاد الأخيرة في الدوري وإلا في اختفائهم فال خير على الاتحاد؟
يوسف صالح - جدة
- يمكن جرفتهم السيول!
* ابو العواكيس ماذا حصل في دورة الصعود يقولون ان فيه تخبيص لدى اللجنة المنظمة والحكام وعدم فهم اللائحة؟
عبدالعزيز القحطاني- الرياض
- متعودين على التخبيص من وقت ابوعجراء!
* الحبيب الغالي معوكس كيف تقيم المدرب زلاتكو بعد الخسارة من الخويا القطري وفي حال اقالته ماهو الفريق المناسب لتكتيكه
بندر العصاد-عنيزة
- يخيرونه بين السلة والطائرة!
صاحب المليون رسالة ابو العواكيس بصراحة كني شفتك بحارتنا نفس اشباهك القلم والنظارة لا وتتسوق من بقالتنا معقولة مادرينا نقوم بالواجب ونضيفك
احمد الحمد- بريدة-حي الجامعيين
- اللي يسمعك يابوحمد يقول ناوي يذبح بعير!
*الاخ معوكس صباح الخير هل صفقة اللاعب الكبير محمد نور إلى نادي النصر ناجحة وهل يحقق بطولات للفريق
ولك جزيل الشكر
صحن قايم العنزي-القيصومة
-والله زمن ياصحن من طول الغيبات جاب الطحينية!
*الغالي ابو العواكيس تحية من القلب لشخصك الكريم وبودي ان أسألك ماذا تقول عن بعض المحسوبين على الاعلام واللي ضخموا موضوع الجماهير وكل قصدهم الاساءة للهلال؟
نواف الصيخان-حي الفلاح
- اقول لاتنه عن خلق وتأتي بمثله وليت السلامة منهم ومن تعصبهم!
* قاهرهم وحابس دمهم ابو العواكيس بصراحة تتوقع يسويها الهلال ويفوز على الخويا خاصة انه سواها قبل امام الاستقلال في ايران وامام جماهير ومضايقات؟
امل الزرقاء-عنيزة
-على هالعك والمطرسة والمدرب مالهم إلا التسوق في سوق واقف!
كور لافة
- ابوخالد-جدة: علم نفسك!
- موضي الهلالية: ابعتذرعن كل شي!
- سلومي الصالح الرياض: تستاهل!
- عاشق العالمي: ابشر!
مع تحيات معوكس وسلامتكم
للتواصل مع معوكس sport@alriyadh.com
فاكس4871070