عواكيس

* أخ معوكس: تعتقد من المخطىء في برنامج خط الستة أحمد الشمراني أو عدنان جستينية ؟!!
سفير الحلة
الخبراء
- السمسية
* يابو العواكيس أخوتي منسوبو الزاوية يسألونك عن الرياضة وشجونها، وأنا استخرج كوامن الإبداع والكوميديا من شخصيتك المتألقة بردودك الساخرة المضحكة الهادفة؟
بدر اليعقوب
القيصومة
-وين شجونها معه والدوري كل أسبوع إجازة!
* يابو العواكيس يقولون صاحب المخدتين عايش في هناء وسعادتين.. ودي اتزوج مثلك ثانية وانبسط .. بس المشكلة ظروفي ماتساعدني على الثنتين ياالغالي ابي حل؟
أبو يعقوب
- ظروفك ماتساعدك ودها للبريد يشيلها عنك!
* أبو العواكيس ألف تحية ما هو الفرق بين نادي القرن ونادي الفرن لا تقول النقطة وإلا رديت عليك ببيان حار وعاجل توه طالع من الفرن؟
أخوك لملوم
الرياض
-الفرن فيه مطبق ومكرونة بالبشاميل!
*صاحب المليون رسالة أبو العواكيس
أشوف غيريتس كنه رضا على عزيز وش رأيك؟
عبدالملك المرشد
جامعة الملك سعود
- كنه رضا تكر
*الحبيب الغالي أبو العواكيس متى تعود نجمة عنيزة للممتاز مع الكبار؟
بندر العصاد
عنيزة
إذ عاد ابوعزوز!
*الغالي معوكس
لماذا لا يضم مدافع النصر عبده برناوي للمنتخب؟
عاشق العالمي
عبدالإله المنصور
- خايفين عليه من السماسرة!
*قاهرهم وحارق دمهم معوكس
وش قصة حسن العتيبي أساسي مع الاولمبي وإلا ما فيه حراس شباب؟
عبدالله السنيدي
الرياض
- الشباب أحسن لهم يكرمون مع التمياط ليلهم طويل!
العزيز معوكس معقولة حارس النصر عبدالله العنزي شباب تحت العشرين؟
عبدالرحمن الضويان
الرياض
-كبير وبج تشيز برجر
الغالي معوكس ليش لاعبو الرياض الاولمبي لعبوا بخشونة أمام الهلال؟
محمد الحماد
الدمام
يذكرون بالماضي؟
* السلام عليك ياكبر منسم ابو العواكيس في جريدتكم مشاركات صورة وعدد للشعراء مايحطون صورتك فيها على شان نشوف الردود على صورتك؟
فاضل عشوي
الرياض حي النظيم
عندك استعداد تفكني من أم العيال إذا طلعت صورتي!
*الأخ العزيز:معوكس ابوالعواكيس لماذا محمد نور يقدم هذا المستوى مع ناديه ومع المنتخب لاعب حواري اين الوطن ؟
صديقك الدائم:
معاذ الحميد
مرات
أين كميت والوشم؟
* الأخ معكوس مرحبتين كبار كبار ليش الجماهير النصراوية تكره الهلال؟
ناصر العازمي
المدينة المنورة
-الا ليش يصفقون للهزائم شكلهم تعودوا!
*عزيزي معوكس وقوفك يشبه وقوف رجل خط يبي يصيد حالة تسلل وش رأيك تمسك بدل القلم راية ونشوفك تشارك بكأس العالم.
أخوك المشجع النصراوي الوفي لافي صالح العنزي
-رجل خط يبي يصيد ضب
* الأخ أبو العواكيس ورا ماتتزوج برازيلية منها أن البرازيلية قمة بالجمال ومنها تخدم المنتخب بولد عروقه برازيلية ..
أبو عشق- حي الخليج
-هذي صعبة يبيلها عنتر بن شداد
* الأستاذ معوكس ماذا تفسر اعتذار الفارو عن تدريب الأهلي؟
صالح بارميقان
جدة
-ما يلام المدام أعطته العين الحمراء ولافرق بين الاستقالة والإقالة!
•هل صحيح يامعكوس أن الجبلين والطائي يتنافسان على لاعب عالمي لم يفصحا عن اسمه.. وانه أنت الوسيط؟
عوض العوض
حائل
- أخاف انه مثل وساطة بعض الناس .. يبي حقه ويصرفونه بالمواعيد!
* ماهي رؤيتك يامعوكس لأجواء الاتحاد بوجود الرئيس الدكتور؟
أحمد النجار
جدة
ستكون صحو وربيعية إذا سلم من الإداري إياه!
غيرتس