عواكيس

@ أخ معوكس
ألا ترى أن الدوري السعودي فوق مستوى حكامنا المحليين..
سفير الحلة - الخبراء
- دوري الحواري فوق مستوى غالبيتهم
@ معوكس: أنا أقول دام دعاية المعجون راحت عليك وش رأيك بدعاية زيت تطويل الشنبات وجرب على الشباب اللي متواجدين حالياً.
صديقك "كريزي قيرل"
- الشنبات تطولها الأفعال ما هي الدعايات وإلا كان شفت الحريم بشنبات كني في مسلسل أردني.
@ هاي عكوسي
ألا تتفق معي ان استقالة الأمير محمد بن فيصل خسارة للرياضة السعودية والهلال بشكل خاص وبعدين وش قصة المطبخ كل بنت ترسل تقول روحي المطبخ ليه البنات ما لهن ميول رياضية.
المرسلة عاشقة الهلال - الرياض - اليرموك
- إذا لك ميول حطيتها في الأواني المنزلية يعني قدر أبيض وصحن أزرق والبيالات عليها دعاية موبايلي
@ شبيه رونالدو معوكس ورا جبهتك كلها مطبات بعدين وشبلا شنباتك داخله في خدودك
ههههههه اسف ان كنت زعلتك - مجهول الهوية.
- اللي ما يطول الشنب
@ هلا وغلا بأبو العواكيس كلهم اتحداك تجاوب على هذا السؤال الكاريكاتير عبدالسلام الهليل وش يشجع
- يشجع فريق عواكيس
@ عكوسي شرايك بالسهم الملتهب الكبتن مجودي شفته بمباراة الاعتزال أول كورة لمسها خذها وراح لمنطقة الجزاء وطاح! الحلو يبي بلنتي يحليله
المرسل لي ربي ما كتب لحظة وداع - الرياض
- يا ليت ربي يريحني من بعض الأشكال
@ المصرقع معوكس بعد التحية: بعد اختيار الأمير الشاعر عبدالرحمن بن مساعد رئيساً للهلال هل سنرى الزعيم الموسم القادم كالقصيدة الرائعة تتغنى بها جماهيره؟!
بدر فهد السريع "ريفو الصغير"
- والملحن مرجان
@ إلى معوكس أبو ظروس من وين شاري عقالك اللي كأنه طعس التحدي
"ولد نجد"
- إلا كنك مجربه عشان كذا حاقد عليه
@ بروفسور معوكس تحياتي لك ما ودك تعتزل وتجيب صحفيين أجانب في اعتزالك؟ وهل عندك جماهير مثل الثنيان وسامي وماجد؟
"فارس الخيال"
- عندي جماهير وفكرت أجيب زوغبي خفت لا يروح فيها بعض الناس
@ الأخ معكوس وش تقول في البنات اللاتي يتابعن المباراة أول بأول
"صياد الضبان 80عاماً"
- المفروض البنات ما يشوفن المباريات إلا مسجلة وبوجود محرم ارتحت خلاص
@ هلا اخو معكوس ابي أعرف ليش "تصليط" الليزر الضار على أعين اللاعبين مع العلم انه ضار؟؟؟
- شكلك "أثرم" قلبت السين صاد
@ الفيلسوف أبو العواكيس وشرايك في مستوى نادي أبو قريح في الموسم المنصرم
"أخوك عضو شرف في نادي أبو قريح"
- خسارته أمام فريق "قلعة وادرين" احرمته البطولة يا خسارة
@ مساء الخير معوكس وش رأيك على كشختك ذي تشتغل عندنا في الشركة بمنصب حارس أمن؟
"مدير شركة الدجة - عنيزة"
- أنا أضمن مافيه أحد يوطوط يم الشركة
@ أبو العواكيس أنا متابعك من 1417وأنت من سنة لسنة أفضل اقترح عليك صفحة كاملة أخوك علوش بن محيا - شقراء
سلم على علوش يا علي علوش
@ هلا والله معكوس ابغاك ترد علي مهوب تسحب علي.. انت وش تشجع من الأنذية هذي: "الزعيم.. الليوث.. العميد.. وطبعاً آخر فريق النصر.
مراسلتك: هلالية ودمي أزرق
- يمكن عندك فقر دم سلامات
@ هاي معكوس.. بصراحة أنا من أشد المعجبات بشخصيتك.. عند لك سؤال قد جيت للقويعية؟! وما هي آخر التطورات بين "سعد" ونادي النصر؟!
صديقتكم نصراوية وقويعية
- أجل اذا سويتوا لي احتفال بجي
@ صديقي العزيز أبو العواكيس: أهنأك بالرئيس الجديد للزعيم وهل تتوقع أن يأخذ تسع بطولات أو ينقلب عليه الأمير بندر بن محمد كما صرح بذلك! وبعدين وش رأيك ننضم أنا وأنت أعضاء شرف وأكيد يفوز الهلال بكأس كؤوس العالم وتشوف وتثبت لمعجبيك قوتك ومركزك!؟
صديقك الدائم: معاذ حمد الحميد - مرات
- أنت أطلع منها وهي تعمر
@ السلام عليكم أخ معوكس وش رايك بالحريق ما ودك تجينا في المزرعة
"صديقك الدائم أبو خالد العويد"
- أخاف يشب علينا حريق
@ وش لون ما يجبون منتخب مصر في مهرجان الأسطورة ماجد
"صديق قديم"
- يكفي حسني.. وطيارته الخاصة والأخير بنشرت جنب نجم الثريا وجابوا بنشري من كوكب زحل
@ أخوي معوكس وش تسوي لو انت مهاجم وطب عليك رضا تكر تعطيه الكورة؟ ولا تصر انك تعدي؟؟
أخوك سلطان إبراهيم العتيبي
- اعطيه لو يطلب سلف ولا يرده
@ إلى معوكس بعد التحية والسلام.. ودي اسألك سؤال محيرني من زمان؟ هل انت من سكان الرياض بحي منفوحة؟
صديق دائم عبدالرحمن بن سليمان العقيل - بريدة
- ما تشوفني كل يوم مرتز بحراج بن قاسم ويا بلاش ما بعنا بالكوم إلا اليوم.