حلول اللغز

نشرنا في العدد الماضي لغزا كتبه الشاعر الشاب سليمان الغفيلي وكان نصه:
انشدك عن ورع يغطى بقبره
يدفن ولا توضع عليه النصايب
غطاه رجل فيه حنكه وخبره
وإن هانه المخلوق ذاق المصايب
وقد جاءتنا الكثير من الحلول الصحيحة استبعد بعضها لعدم التزام القافية حيث لابد من وجود حرف الباء قبل الراء والهاء,, وبعضها لزيادة أبياته فوق الثلاثة بكثير مع أن المفروض هو أن يكون عدد أبيات الحل لا يتجاوز عدد أبيات اللغز,, نأمل من أحبتنا المشاركين في حلول الألغاز ملاحظة ذلك والتقيد به لاتاحة الفرصة لنشر أكبر عدد ممكن من الحلول,.
أما حلول هذا الأسبوع فهي كما يلي:
يقول من عنده بالألغاز خبره
اللغز يا سليمان وارد وصايب
هو اللغم مدفون في وسط قبره
يكفيك شره في نهار الحرايب
عبدالله مشعل الشمري
***
لغز الغفيلي ياهل العرف عبره
عبره ليا من ثار شفت العجايب
هو اللغم من صاد ياكود جبره
عزاه ما ظني يشم الهبايب
طلال شباب اللغيصم
***
خذ القلم ياخوي قم عب حبره
وارسل حلول اللغز يم الحبايب
هو اللغم من صاد سيده القبره
ما ينلحق به ناصحين الطبايب
خلف شباب الشمري
العظيم
***
بحر المعاني يشرف اللي يعبره
ولغز الغفيلي محكم القول صايب
والحل عندي عقب فحصه وسبره
لغم المعارك مكمنه فالترايب
محمد بن حميد الشيخ
***
يساعد الإنسان حلمه وصبره
وإن كان جاب الرأي تلقاه صايب
كم واحد يسكب في الدمع عبره
لاجل اللغم خلّف قتيلٍ وعايب
علي رشيد الرشيد
رياض الخبراء
***
وسط التراث اليوم نقرابه وعبره
لغزن يقوله رجل واللغز صايب
ذاك اللغم بالحرب صغره وكبره
محدن يشوفه لين يصبح لهايب
عبدالرحمن الخالدي
الجفارة
***
اللغز ياسليمان ربعه تخبره
مصايبه كم خلت الصبى شايب
اللغم يزرع في ثراء أو بغبره
في كل ساحة حرب جاب النشايب
سعد الكثيري
الحريق
***
ترى الدفن بالقبر ما هوب عبره
يامادفن به من صغير وشايب
الا اللغم يدفن بصغره وكبره
منظم بنظام ماهوب سايب
حتى بوقت الحرب فعله نخبره
يزرع بدرب الجيش وقت الحرايب
محمد علي السالمي
***
لغزك يابن راشد عرفناه عبره
من سبته بالناس ميت وعايب
ذاك اللغم يالقرم كلن إيخبره
اسلم وجاك الحل والكيف طايب
حواس الأري
***
لغز ابن راشد فيه حكمة وعبره
معناه في البيتين هادف وصايب
درب له الألغام محد يعبره
تزرع بدرب الضد وقت الحرايب
محمد هذال آل بريك
***
الحل يا سليمان كلٍ يخبره
يالشاب جاك الحل من عند شايب
عجل إن كان المنتظر طال صبره
ومن اللغم كم واحد صار عايب
هادي عوض الحربي
الاحساء
***
سار القلم واستقبل الطرس حبره
وسجلت من جزل التحايا نجايب
للي خذا في بدع الأمثال خبره
وهبله المعنا جزيل الوهايب
من قال وش ورع يغطي بقبره
قلت اللغم ياالله عسى الحل صايب
محمد عبدالرحمن القُبع
***
من لا تحذر من طريقاً يعبره
صاده لغم مزروع خطر الضرايب
ومن لا اعتبر لا شاف بالكون عبره
لابد من يوماً يذوق العقايب
أشبيب فهيد السبيعي
***
سلمت يا من له بالألغاز خبره
اللغز يا سليمان وافي وصايب
حله لغم من داسه يزور قبره
الله يجنبنا المحن والمصايب
سعود فارس الجلعود
***
مثل الغفيلي له بالأمثال خبره
أنا أشهد إنه دوم وافي وصايب
وترى اللغم ما يرحم اللي يعبره
يفنى وتركز فوق قبره نصايب
محمد مرشد التميمي
***
خل القلم يرعف على البيض حبره
على أبيض القرطاس لاسال رايب
أنا عليّ القاف يازيد حبره
وانته عليك كتابته لا تغايب
ترى اللغم لانيش ياقل صبره
يثور جعله ما يثور بحبايب
حماد الحنيني
***
يامرحبا بالصاحب اللي نخبره
بالجود والعز وعلوم الأطايب
هذااللغم ما يحتمل ضغط ابره
فالجيش يستخدم لرد الكتايب
وإن داسه المقرود يمسى بقبره
وإلا يعيش العمر ناقص وعايب
منصور المطيري
الأسياح
***
سار القلم ينثر على الطرس حبره
يكتب حلول اللغز والحل صايب
هذا اللغم سسته ومفتاح وإبره
من يلمسه تجري عليه المصايب
الحميدي شخير العنزي
***
يامرحبا ما هلت العين عبره
وفاضت محاجرها لفرقا الحبايب
هذا اللغم يدفن ترى فيه عبرة
يظهر ولا يرحم صغير وشايب
علي بن محمد العمار
***
ولله در اللي ذي ثمار صبره
خلاك دره ما عليها شوايب
من بعد ذايا راع الأسياح عبره
لغزك لغم فجرت فيه العجايب
عطا الله بن سليمان
العطا الله
***
اللغز جاني من قصيري واخبره
يامرحبا به عد ذري الهبايب
شكله صغير وفعلها ذاك كبره
الغام تستخدم بيوم النشايب
فهد عبدالرحمن الجاسر
الأسياح
***
الشاعر اللي كل بحر يعبره
يبدع من أنواع المثايل غرايب
عسى الغفيلي ما نفد منه صبره
دفن اللغم ما غيره وقت الحرايب
سعيد بن علي آل برمان الحبابي
***
من المصيف اللي بها قصر شبره
مصياف من تقزيه لفح الهبايب
نبي نجاوب صوت من فيه نبره
نبرة شباب ولغزه انتاج شايب
العظم لو يكسر ترى سهل جبره
ومن اللغم يروح كله حطايب
موسم بن سفر القثامي
***
لغز سوات طويق ثقله وكبره
ثقيل ويباري نسيم الهبايب
كل يجرب فيه كسره وجبره
ويرسل مناديبه بليا نجايب
ومن يزرع (الألغام) من دون خبره
لابد يبكنه عيون الحبايب
صويلح بن عبيسان الشيباني
***
اللغز يا سليمان باعه وشبره
حنته ولو هنته يجب النشايب
خذ الحذر منه وغمق بثبره
تكتك وثبت لا تثور اللهايب
سعد ذعار الدوسري
الرياض
***
الورع يا سليمان ياقو صبره
هذا اللغم فعله كثير العطايب
سواه بيطار حكم فيه شبره
ياعنك ما هو بين الأشبار عايب
خليف الحربي
الطائف
***
ياللي كتبت اللغز حله نخبره
ذاك اللغم للموت صار السبايب
كم واحد حاول برجله يعبره
وكم واحد هانه وشاف الغرايب
محمد بن حمد البدر
الزلفي
***
هات القلم وأرسل مع الفكس حبره
حبر يهز مسودات العجايب
اللغز يوم أشوف بالحرف سبره
ذاك اللغم مشعل فتيل اللهايب
نافع الحربي
الرياض
***
ما فيه صوت ايقال من دون نبره
ولد به شباب قيل ما هوب شايب
والوقت يمضي والحجاريب عبره
والله يكافينا جميع المصايب
والله يعين اللي نفذ فيه صبره
ثارت عواصيف اللغم بالعاجيب
همس القوافي
الضلفعة
***
هلّيت من عيني على الخد عبره
من يوم وادعت الرجال الحبايب
اللي لهم في منهج الطيب خبره
عاداتهم بالطيب فك النشايب
كن اللغم بالقلب يرجف بكبره
هاذي مقاصد ردنا والسبايب
عبدالله بن غازي الحنيني
الضلفعة
***
فرق الرجل في طيب ذاته وصبره
مع حكمته والعزم فعل السبايب
وأيضا الذي يأخذ من الوقت عبره
ما ضاع فكره بين مخطي وصايب
رأيه سديد وكل شيء يخبره
لو هو (لغم) هبت عليه الهبايب
فهد الجروان
الزلفي
***
الحظ لا يفريك صغره وكبره
الليا تردى ما يجي بالغصايب
تلقى على صفحات الأيام عبره
يااللي تميز بين منحطى وصايب
لو اللغم في موقعها طال صبره
لابد يطلع عقب قطع العصايب
محمد عبدالكريم الغزي
الزلفي
***
سار القلم يرسم على السطر حبره
بأبيات شعر للغفيلي نجائب
هذا كلام فيه يا شيخ عبره
ما قل ودل وزبدة الهرج صائب
هذا اللغم يصعب على الناس سبره
على طريق الجيش وقت الحرائب
نايف قزعان الحويماني
الرياض
***
دنياك ما تملك لها اليوم دبره
كم واحد فيها يشوف النشايب
في كل يوم نكتسب زود عبره
أو نستفيد دروس منها عجايب
واللغز ياالعجمي ترانا نخبره
هذا اللغم يزرع بيوم الحرايب
راشد بن ناصر الشقيق
الأسياح
***
أرسل سلامي للذي فيه خبره
يكتبه ومن يرمع اللغز صايب
واللغم ياأوادم ترى فيه عبره
لا داسه الرجال ما أظن طايب
علي عبدالله العلوي الحربي
الهفوف
***
ميناء الرجاء يعجبك طوله وكبره
مدام بحر الياس كله غرايب
الفرق واضح بين لهجة ونبره
ملجاي منشي مرزمات السحايب
ماللغم ياهل المواجيب دبره
اليادفن تزراه هوج الهبايب
الأيمن