مجده.. بقول وفعل

حيّاك يا غيثٍ على المملكه عم
بيدين ابو متعب تكاشف بروقه
سحايبه من شوفها تجلي الهم
تسقي مرابع موطنه من حقوقه
عاش المليك اللي بالاحسان ملهم
مشاعره تجاه شعبه صدوقه
اخاف أمجد سيرته واتلعثم
مجده بقول وفعل صعبٍ لحوقه
قبل امس زاد الدخل بالكيف والكم
زاد الرواتب واسعدتنا فروقه
واليوم بالبنزين خفظ ونظم
اصبح كما المجان كل يطوقه
والخير جاي ان قالها الله وتمم
يصبح كثير محدٍ يحوقه
الشعب كله بالرفاه يتنعم
في ظل حكم اهل اليدين الرفوقه
صقر العرب في كلمته للوطن تم
خلاّ المواطن والوطن وسط موقه
حب المواطن فيه يجري مع الدم
مع حب دينه والوطن في عروقه
عذبٍ قراح لكافة الشعب بلسم
هداج ينضح والكرم في طروقه
احلى من السكر وبالمرعلقم
للغادر المكار سم يذوقه
للمعتدي بالذات موتٍ محتم
وللشعب والاصحاب نفسه شفوقه
عرش الزعامه تحت هامه تكرم
اطلق زعيم ابلا منازع يفوقه
مقدام ضرغامٍِ سديدٍ محكم
شعاع شمسٍ نستنير بشروقه
لكيد العدا في مسلك العدل ما هتم
تثبت خطاه وركب مجده يسوقه
على طريق العز والمجد يقدم
لاقام ما قدمه مقامٍ يعوقه
سنايده في حزة الضيق لاقدم
اخوان نوره كاسبين السبوقه
والشعب بامره لا أمر قال له سم
حبه لجل طاعة مليكه يشوقه
فيه الوفا صافي مثل صافي الجم
يكنه الرجال باقصى خفوقه
ورثٍ مع الاجيال للخال والعم
غرسٍ من الاجداد طابت عذوقه
من عقب ابوتركي لشمل العرب لم
صف التلاحم ماتبين فتوقه
قدر الوطن واهله كما عالي الشم
لوقلت مهما قلت ماوفي حقوقه