أجمل تحية

وقفت اليوم من فرحة وغنى بالوداد طيور
وهبت نسمة اشواقي على التغريد مجبوره
سلام الله على ضيوفي ارش اعتابهم بزهور
سلام من ربا المعهد من أبوابه إلى سوره
واقول اهلا بكم اهلا من أهل البيت والا حضور
وأشوف النور قدامي بعد ما شرفت (نوره)
ومعها دانة الدنيا (نهى) يا لمعة البلور
وفيكم زان محفلنا بكم واكتملت الصوره
إلا يا ساعة بالبهجة سكنتيني بليا شعور
فتحتي مبسم شفاهي وهاض القلب بشعوره
أنا المعهد أنا الباني أنا في شوفكم مغرور
لقيت اللي على بالي ونثرت أبيات منخوره
رعيته من غلا الواتي بنيته بالوداد قصور
وقدمته مع الدله مع الفنجال وبخوره
امد ايدي واصافحكم واحرك بالقصيد بحور
اسوق القاف من ذاتي ولو قصرت معذوره
ولو قصرت ما يجزي غلاكم لو نمد سطور
اريج الورد والكادي ورشة طيب منثوره
سلام الله على من جا على ضيوفي جبين النور
احييكم واثنيها واغنيها على اقصوره
سلام ما يليق إلا بكم يا غاية المسرور
تحيتنا سلام الله وبالقرآن مذكوره
* هذه القصيدة ألقيت في حفل تخريج الدفعة الأولى من المعهد الثانوي المهني على شرف صاحبة السمو الأميرة نورة بنت محمد بن سعود حرم أمير منطقة القصيم.