دانة بحر

==1==الجادل اللي غلاها فاحت عطوره==0==
==0==أبنتشي من عبيره واتعطّر به
من شفتها قلت : دار الحب ممطوره ==0==
==0==قالت : هلا بالحبيب اللي نبي قربه
يا زينها يا حلاة الصوت والصوره==0==
==0==لا سولفت كل ما فيها تفكّربه
حوريةٍ بالحلا والزين مشهوره==0==
==0==جمالها بين كل الغِيد تفخر به
دانة بحر تتعب الغواص ببحوره==0==
==0==لعيونها غصت بحر الحب وأجهر به
لا سلهمت عينها قلت : ايه معذوره==0==
==0==واهيم بالرمش لا اغضت به واسافر به
مجبور في حبها والنفس مجبوره==0==
==0==بين الحنايا غلاها ما تكاثر به
لا شفتها العقل مني يفقد شعوره==0==
==0==حلوه غريبة طبايع فاتنه ذربه
فيها غناجة دلع وشوي مغروره==0==
==0==لا واهنيّ المكان اللي تمخطر به
مثل القمر نورها لا من ظهر نوره==0==
==0==جبينها لا اانكشف ودّك تمنظر به
لا انساب شلالها من فوق ..ديجوره==0==
==0==ليلٍ يسافر معه قلبي ويسهر به
يا ليت ورد المحبه تنبت زهوره==0==
==0==واقطف وفاها واذوق من النهر شربه
وارسم لها في قصيدي أجمل سطوره==0==
==0==بين العذارى تغنّى به وتشهر به
واللي تبي مثلها تموت مقهوره ==0==
==0==في وسط قلبي لها عطرٍ تعطّر به ==2==