شلة الإرهاب

يا إله الكون يامنش السحاب
يا رقيب الناس ما غيرك رقيب
يا عظيم الشان ياراع الحساب
يا رحيم ويا ودود ويا مجيب
شلة الإرهاب راعين الخراب
الخساس اللي مشو في كل عيب
النجاسه فالقلوب وفالثياب
شرذمه شذت عن الدرب الصويب
أفنهم يا الله وأذهبهم ذهاب
ورنا قدرتك فيهم يا عجيب
وأنصر الإسلام وأصحاب الصواب
نصر ما قبله ولا بعده غليب
وأحفظ شيوخٍ يحلون الصعاب
روس قوم ولا تمثناهم غريب
نايف آل سعود لاحل النشاب
هو صليب الراي حراب الحريب
ينتهض ويقوم منهاض العقاب
صيرمي الحق مضرابه عطيب
نور الأمن اللي بنوره ما يغاب
لو تغيب الشمس والقمر تغيب
للوطن حنا جنود ما نهاب
يامر القايد وحنا نستجيب
دون عرض المملكة حصن وحجاب
نعتزي ونقوم في اليوم الصعيب
سيفنا البتار مصقول النصاب
ما يوقع غير فالعظم الصليب
للمعادي محتسينن بالحراب
والفشق والنار قافيها لهيب
ضربنا فالكبد ما هو فالتراب
الحريب يموت ما شاف الطبيب
دون عرض المملكة حصن وحجاب
نعتزي ونقوم في اليوم الصعيب