"ملح المجالس " للشاعر سعيد أبوديه

يالله اني طلبتك ياجزيل الثواب=ياسميع من الدعي بلطفك قريب
رب تجعل لنا نورٍ من أطهر كتاب=واعف عنا وتب واغفر لنا يامجيب
يالطيف رحيم وياعسير الحساب=فوق سابع سما من فوق عرشك رقيب
ربنا واسع الرحمة شديد العقاب=عالم السر ما يخفا على الله غيب
يفرح الله بعبدٍ من معاصيه تاب=والله ما خاب من هوله وكيل وحسيب
يالله جرني من الفتنة وسوء العذاب=وهب لنا من لدن رحمتك يالله نصيب
أول العمر غالي وان ذكرت الشباب=قلت ياحسرتي عسى الأمل ما يخيب
بعد ماعارضي رحل سواده وشاب=ما اغتنمت الشباب اللي رحل للمشيب
غرني وقتي اللي بوّل العمر طاب=والأمل غرني ونفسي تودي وتجيب
ما حسبت العواقب في الخطا والصواب=مثل كلّ البشر طماع واخطي واصيب
ظامي تاه في صحراء ويطرد سراب=والأوادم على الدنيا سواة العزيب
في حياتي سؤالٍ ما لقاله جواب=واتسئال عن اسبابه وهل من مجيب
وان تندمت عالماضي ما فاد العتاب=الحقيقة عن اعيون البشر ما تغيب
حسبي الله على اللي في المواثيق خاب=غادرٍ منه جرحي يعلم الله عطيب
اتداوا بقول الله ولاعاد طاب=لن جرح السريره عجز فيه الطيب
بيتي اللي بنيته صار قش وخراب=شان بعد الجمال وصار شكله رهيب
واسوس ابليس لن عبده لقا في باب=وانكر افضع جريمة والردي ما يطيب
ما تحصنت مالوسواس والعقل غاب=واثقٍ واحسبٍ ما فيه شكٍ وريب
حط بيني وبين الناس ظل وحجاب=صرت مجنون صاحي فاقدٍ لي ذهيب
صارو الكارهين احباب ربع وطياب=وكرهني اللي من أول كانه أغلى حبيب
صار للملعبه وحشه وقلبي يهاب=بين شعارها صرت أحسب أني غريب
مثل ثلجٍ شعاع الشمس لجاه ذاب=أعرف الشعر واجهل فيه وامري عجيب
قالو الناس وينك وين طال الغياب=وان كتمت الحقيقة عيب وان بحت عيب
مادرا اللي نشدني ويش وصط الجراب=بار فيني الزمان وبار فيني الصحيب
واخر الوقت ظني باكثر الناس خاب=والثقة نازعنها من بعيد وقريب
صرت في نظرة الشعار مثل الصواب=الله أكبر على لأيام هان الصعيب
كانت الملعبه تلبس حسين الثياب=مثل عذراءٍ عفيفه بنت شيخٍ عريب
ودونها ابليس في وجهي يكشر بناب=سلّطه خاين العشره وسدي قطيب
فارس في يده سيف بليا نصاب=صار مثل الهبيل ومن ظلاله يهيب
صارت الملعبه شاةٍ عدتها ذياب=روضة نبت فيها الغرس من غير صيب
صد قلبي وجاز وقمت أسوق الركاب=دام صارت سوات المستحيل ايش اجيب
يا قصيدي لك ارعود وبروق وسحاب=هل ثمّ سيل الوديان وارو الشعيب
هاجسي لازهمته للقصيد استجاب=ولايهون القصيد وعقل عمه لبيب
قالو القاف لقلت قوافيه شاب=قلت لا والف لا لا ماقصيدي يشيب
مثل بيت الشعر لانص مس الطناب=القبيح أكذبه صدقه مليح مصيب
ما نوطي مقامك يا عزيز الجناب=وانت ملح المجالس والحكم ولا ديب
مير يافكرتي حصلت عودٍ مصاب=فوق راسه سباع الغاب تقنب قنيب
طاح من قل حيله بعد ماكبر ساب=ينتخي يانشاما من يداوي الصويب
يشتكي من عياله ماحدٍ قال ياب=واثر سود الليال جرحها ما يطيب
يالله اني دخيلك مالعنا والعذاب=والهقاوي بعيدة والمسافة قريب