أجهلك في الغرام

أسير حبك ولكن في الغرام أجهلك
يا غالي في عيوني بالغلا مشتريك
ما شفت زولك ولكن في خيالي ملك
سبحان من صورك بالزين مصخي عليك
ودي أجاوبك لكن قبلها بأسألك
بتموت فيني مثل ماني تولعت فيك
أشتاق لك بالدقيقة كيف ما أشتاق لك
كم ليلة في لذيذ النوم حلمت فيك
وأفز من غرفتي في النوم وأتخيلك
مرات أفكرك قدامي وأسلم عليك
ومرات أطالع لحسنٍ فيك وأتأملك
وأخاف من عين حسادك وأسمي عليك
قريب جني ولكن كيف أنا بأوصلك
يا عل الأيام تسمح لي بشوفك وأجيك
يا ليتني جاركم أو ليتني من هلك
من شان نظرات عيني بالغلا تحتويك
بالحيل أحبك حبيب الروح وأرتاح لك
شريك روحي ولا لك في حياتي شريك
تستاهلين الغلا والقلب يستاهلك
تفداك حال وكل اللي معي يفتديك
أقولها لك بكل الصدق ما أجاملك
(يا غلي في عيوني بالغلا مشتريك)
عبدالعزيز بن عبدالرحمن السياري/ الدمام