الوله ذبّاح

جميل أسافر بذاتي على أبياتي وأنا الملاّح
وأبحر في عيون الزين رغم مالموج يرميني
أنا شاعر كوان الضيم وألبس من عناي وشاح
وأهيم بداخل حروفي أواسيها تواسيني
أترجم للغلا عشق(ن) سكن فيني ولا ينزاح
رغم ما شفت بالدنيا هموم(ن) تزحم سنيني
رغم ما أحاول أتجاهل هموم(ن) ساطية تجتاح
حنايا صدري الضايق تقول أرجوك كافيني
أحبّك والهوى بلسم عشقتك والوله ذبّاح
بلاي أعوام يا عمري حنانك ساكن(ن) فيني
كثير يزورك الهاجس وحظي للهوى ما طاح
أجل وشلون في شوفك أكيد السعد يدنيني
هلا يا نصفي الثاني هلا يا عمري اللي راح
هلا يا ملهمت قافي بيوت(ن) دوم تبكيني
تخيلتك زهر نرجس وريحه بالفضاء فوّاح
أشمّك تنتعش روحي رغم ما لحظ جافيني
أسولف للقمر عنّك يجاوب نجمه الوضّاح
وعلو سهيل ترجم لي يا كيف البعد كاويني
حبيبي ليه هالدنيا بدونك ما بها أفراح
صدودك دوم يسهرني يطير النوم من عيني
كثير يدور في بالي أقول الزين علامه راح
تمنيته تمناني وأحسّه دوم يدعيني
تمر أيام من غبتي وقلبي ما هو بمرتاح
تسلي نفسي الذكرى وأحسّك ماسك إيديني