أبيك ألحين أبي صوتك يجيني صبح أبيك إنتي بدال الجرح أسولف لك عن أللي قبل ما أشوفك يحبونك عن أللي بعد ماشفتك يخافونك أبيك إنتي نهاية لو تكون الجرح يا بنت الحرف يا شمعة ليل ما تطفي خذي من دفتري حرفي أبيك إنتي خذي من ليلتي عطفي خذي قلبي سبب غلبي خذيني.. روح طفل مجروح قعد مرة بجنب الباب وحوله .. شلة الأصحاب وقالوله .. متى نكبر ..وكبروا كلهم حوله .. وهو وحده بدا يصغر بدا يذكر .. ولا يذكر ..!!! أبيك إنتي تجيني ..من ورا سور المدينة ريف تجيني .. لو سحابة صيف تبللني تطهرني تهديني تنام الليل في عيني ترجع أول سنيني طفل ولهان زرع في طاقته وردة .. وخلا قلبه البستان أبيك إنتي محد غيرك وابي شعري تعابيرك وأبي دربي مشاويرك أبيك إنتي محد ثاني محد يقدر .. يطلعني ..على سور القمر وينام محد يقدر يجادلني .. بغدر الوقت والأيام أبيك إنتي .. بلون الشوق بطعم العشق في كاسي نسيت بشوفتك ناسي وجلاسي وجيتك برد يدفيني به إحساسي ياصوت الحب يا (همسة) متى بنسى؟ متى بقسى إذا إنتي .. تبين البعد بموت .. ولا يجيلك برد أحس إنك مطر ما يكف وأحس إني بقايا حرف كتبتك فأول أوراقي .. اسم يشهد على عناقي .. متى بنساك يا (إنتي ) ترى مدري أنا عمري دقيقة .. وإنتي في بالي وساعة .. وإنتي أشعاري وموالي ودرب أمشيه .. ما أسأل متى بوصل رضيت بحزني الأول وخوفي حزني التالي. إبراهيم الوافي
