مريت وماشفتك هناك.. خفت وسألت الناس عنك يا ملاك.. حسيت خوف بداخلي يملا المكان.. وحسيت أن الكون فغيابك غدا مابه أمان.. دقات قلبي وقفت والفرحه من وجهي اختفت.. لو شفتني ماغير اطالع في الشوارع والتفت.. شكيت انا.. فيه شي موعادتك تبطي علي خليتني اقلق عليك.. وخليت بالي ينشغل وينك حبيبي وش جرى لك وش حصل احرقني جمر الانتظار وانت ولا جيت الوعد أو حتى قدمت اعتذار .. ومريت ************ مريت والساعه عمر ودقات قلبي نبضها مليت وانا انتظر والمشاعر والثواني عنك تسأل بعضها دورت لك بين الوجيه نفس المكان اللي انا وانت نجيه.. جلست فيه اتخيلك وصورتك ابد.. ما فارقت عيني وعيون كل الناس تسألني يا عمري وش بينك وبيني حطيتني فموقف صعب حتى الصبر مني تعب.. ومريت.. ************* يا سيد أضواء المسا مدري خيالك مر عيني أونسا.. تعبت ألقى لك عذر وعجزت طيفك ألمسه وتدري اني في غيابك ينتهي عمري واضيع. وكني الطفل الرضيع محتاج الدفا.. محتاج الحنان.. الليله انا بالذات.. محتاج الأمان وش سالفة هذاالغياب.. ليه انا اهديك احساسي.. وتهديني العذاب وليه هالمره صدق ظني وغبت ليت ما منيتها عيوني وليتك ما كذبت اعذرني من همي بكيت ومريت... كلمات الشاعر/ عبدالله الأحمري
