المملكة ثابتة بالله وبكتابه

الله أكبر عزيز في السماء عالي
ينصر أهل الدين ويذل الشرك وأصحابه
والحمد لله وطنا بخير وجلالي
والمملكة ثابتة بالله بكتابه
نمسي ونصبح بلا رعب وجفالي
أمن وأمان ولا به شر انهابه
وحنا حماة الوطن لا حل زلزالي
والشبر من أرضنا مهوب يرضابه
من عهد أبو تركي ليا جيلنا التالي
عاداتنا بالمعارك دوم غلابه
ومن تهقوي بنفسه يشوف الأهوالي
والسيف ترا نورده ونروي انصابه
ما يهمنا من تحرش صابه أهبالي
منبوذ وناقص ويأخذ كامل أحسابه
مغسول عقلاً خرج من طاعة الوالي
ومن عبث بالنار لا بد تحرق ثيابه
يخون بلاده ويمشي درب الانذالي
مرهب وجاني وفعلها سبب اعقابه
مرتد ومجرم ياشين الافعالي
كم من برئ مات أنته من أسبابه
تر الوطن الشرف ودونه أرجالي
يريدون حوض المنايا اليا انفتح بابه
وبحكمة الفهد يخسر كل محتالي
ما يضيع حق وراه الفهد بطلابه
يعيش أبو فيصل محبوبنا الغالي
لا قيل فهد لها انحلت الجابه
يا خادم البيتين عريب الجد والخالي
شعبك وفي وفيض الخير تسعابه
ويسلم ولي العهد شيال الاثقالي
سديد رأي وراس العز مطلابه
هو قائد حرسنا ليا منه حما الصالي
لامن تمادى عدو كسر انيابه
ومن تعد نسقيه هم وغربالي
بدرع الجزيرة وسيف العز ونصابه
ويعيش قائد الجيش في كل الاحوالي
سلطان دون الوطن يطول مضرابه
وينصاه من عانا وعليه الدهر مالي
بالمرجلة والشهامة مالي أجرابه
ويدوم عز السعودي نايف الجالي
الأمن في المملكة نايف يشقابه
ونايف وزير الامن ليا جالها صالي
ومن تعبث الحر يضرب مخلابه
وحكامنا آل سعود ما فيهم التالي
تسطو على العدو وتحطم أربابه
ومن نصانا حاديه أشهب اللالي
نوفيه حقه مع زود ترحابه
عمّ الرخاء بلادنا وبفيئ وظلالي
وهذا تطور ما كان الناس تهقابه
الجهل زال والعلم يدفع به المالي
وكلا بها الزمن ينقل اكتابه
ومن شرق البلاد إلى المنتهى العالي
مكة وطيبة من دونها الروح جلابه
ومن جنوب البلاد ليا حد الشمالي
تشمل سهول وديان وهضابه
دون الوطن نرخص شجعان الأعيالي
واللي تقصر يمينه موته أولى به
خلوها وحده ما فيها جدالي
تكفون يا هل الوطن امجابه امجابه
لجل وطنا يا اعز من غالي
بنحافظ على سمعته ونقبل اترابه