سلامتك غالية يا طيب الفالي

يعيش قائد وطنا والله الوالي
عبدالله الحر حراً من مجانيها
سلامتك غالية يا طيب الفالي
شعب السعودي لكم يرفع تهانيها
سلام ياللي نزل في منزلاً عالي
سلام يا صاحب النخوة وراعيها
سلام يا مزبن الشيبان وعيالي
وأيتام فاضي مزاهبها يعشيها
سلام ياللي وفيّ ما يكنز المالي
يعطيه لشعب نفسه ما يبديها
أقولها صادقاً والحق ينقالي
شيبان شعبه يساعدها بياديها
أخص حراً وفي وعلومه جزالي
عبدالله اللي حقوق الجار يوفيها
القائد اللي عريب الجد والخالي
عبدالله اللي عيون الخصم يعميها
ابن المليك الذي للحمل شيالي
خلف رجالاً على المنهاج موليها
عبدالعزيز الذي بقلوبنا غالي
مرحوم يا قائد النهضة وبانيها
مرحوم صقر الجزيرة خلف رجالي
خلف رجالاً بعيدة في مداليها
الا رحل نجم بعده نجم نزالي
أنجوم من ساسها أولها وتاليها
أبو متعب للعسرات حلالي
والفتن من حنكته دايم يطفيها
تعيش يا درعنا شيال الاثقالي
من لابةٍ فعلها حامي عوانيها
من لابةٍ كلهم من منبع أبطالي
درع الجزيرة يعادوا من يعاديها
يا الله ياللي جعلت السحب همالي
تحفظ لنا المملكة واللي سكن فيها
تحفظ لنا المملكة عن حرب وقتالي
والأمن دايم بدانيها وقاصيها
واللي نوى المملكة بالسوء ينشالي
بقعا تصوعه وتشيله في محانيها
المملكة دونها مليون خيالي
عدواننا سيوفنا تضرب علابيها
من دونها الموت ولع بأشهب اللالي
ومشوكاً يضرب العدوان صاليها
بسم الله أكبر على الغدار محتالي
رؤوس الطواغيت بأمر الله نوطيها
كل الدسايس تجي من رؤوس الأنذالي
تموت الأفعى تموت وسمها فيها
حبل الردى ينقطع والخرث ينشالي
وأهل الدسايس عرفناها بساميها
راع الوفا غالياً بقلوبنا غالي
وأهل المروات ما تخلف مباديها
تمت بذكر الله اللي فوقنا عالي
الله يعز أرضنا ويعز اهاليها
عبيدالله دخيل الله البلوي