حدّنا الغالي

الروس الرفيعه ما تطول المعالي.. لين
تساقط على شان الوطن.. والوطن غالي
ولا تاصل ارقاب الرياجيل عليين
لين يْقال من دون الوطن دمها سالي
وطن جاتك قلوب الغلا.. والرجال تبين
بوقت الشدايد.. تصعد الشامخ العالي
حدود الوطن بوجيهنا ما يجيها الشين
"حرس للحدود» .. اخوان من طاع للوالي
وسطوة رجال الجيش ردت على الغازين
عواصيف بر.. وجو.. والبحر زلزالي
نعيش ونموت.. ولا يمس العدو ثنتين
هي المكسب البين.. وهي راس الاموالي
الارواح ترخص دون «حد الوطن» .. و«الدين»
نحافظ على الثنتين في كل الاحوالي
ما باقي سوى المعتوه.. والخبل.. والمسكين
يمس الحدود.. آبوك يا علم الاهوالي
حثالة خفافيش يسمون حوثيين
ألا يا عميل الفرس.. يا شين الاعمالي
بهايم تشيل اسفارها.. والنهايه وين
تساقط بنارٍ تستعر.. جمرها صالي
الأهداف للمدفع.. والارقاب للسكين
مع انه لنا ما هو كفو حرب وقتالي
خلقنا الله الوالي للاشرار لطمة عين
نسر الصديق.. وللعدو! ضيقة البالي
حمدناك يا ربٍّ خلقنا سعوديين
من الجيل الاول! تكسب الطيب الاجيالي
تحت راية آل سْعود حكامنا الغالين
نخوض البحور المظلمه.. طيب، وهبالي
خذ اقلوبنا يا دارنا.. والحدود اتزين
كذا طبعنا قدام.. والدرب طوالي
ليا صارو الغاوين يا دار منتحرين
ترى اقرب طريق لموتهم! «حدنا الغالي»
عبدالرزاق الذيابي