عليين

أرقاب النشاما ما تطول المعالي.. لين
تساقط على شان الوطن والوطن غالي
ولا تاصل ارقاب الرياجيل عليين!
لين ايقال من دون الوطن دمها سالي
وطن: جاتك اقلوب الغلا.. والرجال اتبين
بوقت الشدايد..تصعد الشامخ العالي
حدود الوطن بوجيهنا ما يجيها الشين
حرس للحدود.. اخوان من طاع للوالي
وسطوة رجال الجيش ردت على الغازين
عواصيف بر.. وجو.. والبحر زلزالي
نعيش ونموت.. ولا يمس العدو ثنتين!
هي المكسب البين.. وهي راس الاموالي
الارواح ترخص دون حد الوطن.. والدين
نحافظ على الثنتين في كل الاحوالي
ماباقي سوى المعتوه.. والخبل.. والمسكين
يمس الحدود..آ بوك يا علم الاهوالي
حثالة خفافيش يسمون حوثيين!!
ألا يا عميل الفرس.. ياشين الاعمالي
بهايم تشيل اسفارها.. والنهايه! وين؟
تساقط بنار تستعر.. جمرها صالي
الأهداف للمدفع.. والارقاب للسكين
مع انه لنا! ماهو كفو حرب واقتالي
خلقنا الله الوالي للاشرار لطمة عين
نسر الصديق.. وللعدو! ضيقة البالي
(حمدناك يارب خلقنا سعوديين)
من الجيل الاول! تكسب الطيب الاجيالي
تحت راية آل اسعود حكامنا الغالين
نخوض البحور المظلمه.. طيب.. واهبالي
خذ اقلوبنا يادارنا.. والحدود اتزين
كذا طبعنا.. قدام.. والدرب طوالي
ليا صارو الغاوين يا دار منتحرين!
ترى اقرب طريق ال موتهم! حدنا الغالي
عبدالرزاق بن مخلد الذيابي