دمعة ندم

رجعتي والزمن جابك تر الغايب يهلا به
غريبة وشبها عيونك على دمعك يهلنّه
رجعتي والغلاء ودّع حمام وطارت أسرابه
ولا أحد يلتفت للي نساه ولو ضحك سنّه
نسيتي موعدك باكر!! ترى باكر قفل بابه
بدأ يومٍ مثل باكر ثلاث شهور طافنّه
ترى ماني مثل ناس تبيع لعينك اركابه
عقيد القوم لو يسقط خطير الخيل ياطنّه
يقولون الصقر يا من شهر عينه ومخلابه
إذا ما حوّم بجوه مثل غيره يحومنّه
أنا مثلي مثل غيري بزينك سجل اعجابه
وأنا شعري على شانك كثير عيون يقرنّه
غرقتي بالغرور اللي سكن فكرك وبنّا به
وغنى به لحن صاخب وصرتي مولعة فنّه
لبستي بالحلاء تاجٍ عليه فصوص وكتابه
ترى نفس اليدين اللي يحطنّه يشيلنّه
وأنا يا ما على شانك فقير ومزق ثيابه
ترك كل القلوب اللي على بعدك ترجنّه
أسولف لك عن أشواقي والمح لك عن أسبابه
وأحسب إنك عشقتيني وأنا قلبي على ظنّه
رجعتي والزمن جابك ترى الغايب يهلا به
غريبة وشبها عيونك على دمعك يهلنّه