روعتوا الأطفال هم والمسنين

يللي جعلت الدين قتل البريين
ما انته بويا الدين لو تدعى به
مشوهين الدين ما أنتم بصاحين
بايماتكم يا هيه شكه وريبه
روعتوا الأطفال هم والمسنين
مصيبة يا كبرها من مصيبه
أفكارهم متسممة يا مسكين
وجرح التطرف ما يحصل طبيبه
جبتوا لنا الإرهاب يا ناس من وين
أهبي هبيتي يا لوجيه الغضيبه
حنا نقول المشكله فالبعيدين
واثراً لبلا منا وفينا قريبه
يا للأسف من بيننا ومتخفين
وفي مثل هذا الشعب والله غريبه
نشجب ونستنكر هذا الفعل وندين
ما نقبل الإرهاب واللي يجيبه
اللي يبث الرعب بين المصلين
نعوذ بالرحمن من ما بلي به
حكامنا والشعب منهم بريين
عضو خبيث من الجسد وش نبي به
وعميا الصنوع اللي تبذ المناحين
فرحة عدانا يالعقول اللبيبه
انما قطعنا دابر الشر هالحين
ولدت محاميل الليال بمصيبه
واجب علينا كلنا نصير واعين
حق علينا أمن الوطن نعتني به
دارا غلاها نابت بالشرايين
حب الوطن بأرواحنا نفتدي به
لامر القيادة كلنا مستعدين
أمر المليك ننفذه ونعدي به
في طاعة الله ثم في خدمة الدين
واللي يخون العهد ربي حسيبه
حكام نجد اللي على الحق ماشين
الشرع ما احد غيرهم يقتضي به
نقضي بما تقض الشريعه ومحيين
سنة محمد والهدى نهتدي به
ويالله ياللي تغفر الذنب وتعين
يا خالق خلقه ويا معتني به
تحفظ وطنا من نوايا الحسودين
اللي حسدها بالصدور يغلي به
واحفظ ملكنا والإخوان الميامين
من رادهم بالكيد يلله تصيبه
آل السعود الحاكمين الوفيين
اللي حموا بالسيف مكه وطيبه
وختامها بالمسك هو الرياحين
وازكى تحية يالبلاد الحبيبه
سلطان فيحان العرط المرشدي