بيت وصدى

الأسبوع الماضي كان بيت الأسبوع من طرح الشاعر - حاكم نايف بن ربيعان من نفي والذي يناقش قضية مخاطر الاجازة ان لم تستثمر استثماراً جيداً والبيت يقول:
شبابنا جتنا الاجازة قريبه
يالله عسانا نستفيد ونفيدي
وقد تواصل صدى الشعراءلهذا البيت:
ترى السفر ماهُوب فرض وغصيبه
يللِّي تسافر كل اجازة بعيدي
ما فاد من ضيَّع شبابه مشيبه
لاكشرت دنءياه ماله رصيدي
الرابح اللِّي صار نوءمه حريبه
واللِّي تكاسلء ضاع علءم أكيدءي
فهد بن عقيل الطويان
بريدة
عطلة محارب بس فيها ضريبه
الوقت سيف يعلم الله شديدي
دوّر نشاط ما يخالط ريبه
يرفع ذكاك وللمحصّل يزيدي
وأفضل خيار صوب مكه وطيبه
ترجع من ذنوبك نظيف وجديدي
راشد سعيد المعيلي
الخرج
وقت الاجازه مثل رسم الضريبة
ياحبذا نقضيه باللّي يفيدي
بالذات للعمره ومكه قريبه
أجر وغنيمه والمثوبه رصيدي
عسى السعد فال الشباب ونصيبه
عسى النجاح بكل عام يزيدي
سعود بن سعد الحافي
الرياض
ما شيء ناقص في بلدنا الحبيبه
مراكز الترفيه بكثره تزيدي
والا أعتمر شرف على دار طيبه
وسلّم على اللّي للمخاليق سيدي
خاو الولد لا تجدعه في مصيبه
تابع طريقه لا يلف ويبيدي
سعود بن عبدالعزيز الهزاع
يا مرحبا يا ذيب يسمع قنيبه
حاكم ولد نايف قصد بالجديدي
عطله ربيع العام كل تجيبه
ويزور ربعه عقب برد شديدي
والبعض شد الجيب صوب الحبيبه
مكة عسى العمرة تزيد الرصيدي
مبروك بن خميس آل لحول الهمامي
نجران
يخشى مقابيل الليال العصيبه
كلن يقول وثم يزيد ويعيدي
سهر مع ازعاج وحاله عجيبه
الجيب فاضي والمصايب تزيدي
الوعي مطلب والنصيحه تجيبه
مشورة تاتي براي سديدي
حمد عبدالله الوايلي
حوطة سدير
الاجازة يالعقول اللبيبه
ما هي فقط للنوم أو يوم عيءدي
هي استراحه للمحارب غصيبه
وفراغ يستثمر وجهد جديدي
شف لك ديار جو وارض خصيبه
فيها تَجوَّلء واقض وقت سعيدي
سعود عائش التميمي الحربي
جدة
بيت الأسبوع
كنا قد نشرنا الأسبوع الماضي مقترحاً من الأخ عبدالعزيز الصقيري حول موضوع اخطار السيول ووجوب الحرص على مرتادي الاودية بعدم الاقتراب منها وبالاخص لمن معه أطفال، وقد بعث للصفحة الشاعر - سعود عائش الحربي من جدة هذا البيت:
السيل ريف وفيه مكر وخطوره
وفي ظرف لحظه يقلب افراحك لاتراح
نستقبل صدى البيت بثلاثة أبيات فقط على الفاكس 4871070أو الايميل: khozama@alrigadh.com
على أن يتم طرح الأبيات مناقشة للموضوع
مقترح لبيت الاسبوع القادم
بعث للصفحة الاخ - عبيد عبدالله القحطان من الجوف مقترحاً حول موضوع التكاتف مع المتضررين من موجة الصقيع والبرد من ذوي الحاجة وتذكرهم بالغذاء والكساء والوقوف والتعاون مع الجمعيات الخيرية لايصال المعونات الحكومية والأهلية لمستحقيها.