ولي العهد,, رمز المجد

للشعر في رموز بلادنا الغالية مجال خصب كيف لا وهم أهل الفضل بعد الله ليس على هذه البلاد وحدها بل على معظم البلدان العربية والاسلامية في شتى بقاع المعمورة ولسمو الأمير عبدالله بن عبدالعزيز ولي العهد الأمين مواقفه المشهودة في كل ما فيه خير الأمتين العربية والاسلامية,, عن تلك المواقف ومواقف انسانية أخرى كتب الشاعر الشاب عبدالرحمن القريني هذه القصيدة الرائعة:
على روضة خريم من السعادة والسعد والجاه
سحاب علها خيره وكل خايل أخياله
سحاب يوم حل الجود هل الخير مع ماطاه
سحاب تضوي بروقه وحس الرعد مواله
بمقدم شيخنا اللي يفخر الاسلام في مسعاه
عزيز وين ما يمم وركب العز يبراله
هلا يا مرحبا ترحيبة جزل الشعر تزهاه
أكررها عدد ما سولفوا في طيب أفعاله
هلا يا مرحبا ترحيبة من طيب من تنصاه
تعانقها النجوم اللي وراها المجد يبنى له
بناه بهمة عليا وجود تبذله يمناه
وصار اسمه قرين للثنا والمدح يثنى له
ثنا الوافين للشيخ الأصيل اللي على مبداه
يقاس المخلصين وكل طايلة تسما له
ولي العهد رمز المجد ساس العدل من مبناه
بلاد العرب والاسلام كله يشكر أفضاله
ولي العهد عضد الفهد مثل طويق ظل حماه
يشوف العز من يلجا لجاله والسعد فاله
رفيع الشان عبدالله على الشعب الوفي مغلاه
عطاه الله مع الهيبه غلا ياقل من ناله
نحبه والولا واخلاصنا له والعمر يفداه
نفاخر به ونفخر به وهو منا وحنا له
له الأمر وله النهي وعلينا طاعته ورضاه
بخيره تشهد أفعاله لنا وانا شهدنا له
أبومتعب أبومتعب قليل اللي مشى ممشاه
يقولونه وأنا اقول الزمن ما جاد بمثاله
ولد من وحد الدولة وهو توه بعز اصباه
إله نجد أخلجت وطويق عقب الضيم نادى له
من أرض السيف غرب للرياض اللي ندبها جاه
معه ستين لحيه بين رجليه وخياله
ندبها ورث جدان تفرق في يدين عداه
ولجله باع نفسه ما حسب للوقت واحواله
وربحت بيعته يوم انه أخلص نيته لله
هجدها واصبحت حرة وحقق نصف ما جاله
وجرد سيفه الصارم الباقي نصفها واحياه
عقب موت وشتات يحكي التاريخ بهواله
على هدي الشريعة كل ما اشرب بالحدب صفاه
الين اعداه صاروا كلهم في حسبة عياله
نعم هو معجزة عصره ولا مثله ولا شرواه
لو انه ينطق التاريخ قال معزي لحاله
وهذا الشبل من ذاك الأسد قول على معناه
ومن خير الشواهد حكمته والعدل في اعماله
حري بالفخر يفخر بسيدي من عظم مجناه
ابوه المجد وابن اشريم مدباس الخطر خاله
أهلي بك بسم شبل بشير العز بمحياه
على نهجك يسير ويكسب النوماس والطاله
أخذ من مدرستك اللي يفيد لدينه ودنياه
وأخذ من علم عصره ما اعجز عنه أكثر أجياله
عن علوم الفضا وآلاته أدرك سيدي ما أكفاه
وصار اسمه وعلمه رمز بين الجيش وأبطاله
أهلي بك بسم تركي هلا بك يا عزيز الجاه
عدد ما ناض براق المزون وهل هماله
وداع يا رياض خريم من بعد السعد والجاه
وداع قالها لك شيخنا ونقول ما قاله