رمز الشموخ

ايشوش راسي كل ما قلت سلمان
رمز الشموخ البسمة المستنيره
شيخ الشيوخ اللي له المجد نيشان
الشامخ المقدام عزمٍ وسيره
اللي بنى بالحب تاريخ مزدان
اشرق على الشعب السعودي وغيره
العدل منهاجٍ قديمٍ وميدان
عنده توقف في فيافي غديره
لبيه يا فجرٍ صباحه بكم زان
ولبيه يا صقر العرب يا كبيره
اليوم قدت العرب في خير ميدان
يوم اليمن نادى وعينه كسيره
قال افزعوا لي قلت ابشر بالإحسان
وناديت شبلك ثم جاب الذخيره
ووقف وهو يضحك من الفخر مزدان
فارس ولد فارس له العز ديره
وقلت اليمن ناداك يا طير حوران
كبر وقال ابشر علينا يسيره
وفزيت له في عز والعز ميزان
وحزمت أمرك قلت يالله خيره
وقفة كبيرٍ ما تقيم بالأثمان
يبقى صداها بين الأجيال سيره
وامطر على الحوثي من الجو بركان
يزفر زفيره موت يهدر هديره
وصار الامل والنصر بالعزم عنوان
عزمك وحزمك وين ما طار طيره
يا مسطر أمجاد العرب عزكم بان
تاريخ مكتوبٍ لفانا سفيره
يرقى سنام الفخر عهدك والاوطان
تفخر بمثلك مال الامجاد غيره
واشرق علينا بخير في وجه سلمان
وجه الامام وعز شعب الجزيره