مجرد خيال

الله يحييك رغم انك مجرد خيال
ياملهمتني بيوت الشعر ياملهمة
الله يحييك رغم أنه يعز الوصال
لكني احتاج اشوف الصورة المفعمة
بالكبريا والأنوثة والدلع والدلال
مرار متبرجو، وامرار متلثمة
رغم ان جيتك فيها للكذاب احتمال
لكني ارتاح، كنك جيتي مسلّمة
شاعرك يطلع معه في كل صورة سوال
يعذبه، والصور تغني عن الترجمة
بنات الأفكار تلقى من عذابك مجال
تجيني مفرّقة، وتعوّد منظمة
حتى لو انك وهم، لا تمنعين المثال
خليني أعيش واهم وانتي الواهمة
لكن على شرط، ناخذ كل شي باعتدال
الخرص في اذنك، وقيد الذيب في معصمه
عند الحقيقة ترى ما انتي لمثلي حلال
مثل أمي أعليّ، والله انك امحرمة
اخاف يا بنت من ربي عظيم الجلال
مخافة الله عندي، تسبق الهنجمة
وانا اللي اقول في العرضات طول اليال
اهجو هل المعصية وامدح هل الاوسمة
ودك يقولون بكرا صاحبك، لا يزال
يكذب، ويكذب وراعي الكذب ياما اندمه
ماني براعي خطا لا والله إلا محال
مثل أمي أعليّ، والله انك امحرمة