شعراء وأكثر من صورة

الوطن حبه تغلغل بالفؤاد
والوطن وابن الوطن شانه رفيع
ودون حد المملكة علمٍ وكاد
شبر واحد من وطنا ما يضيع
***
عسى عز الوطن بإذن الاله المعتلي يزداد
تدوم المملكة في عز قادتها واماجدها
بلد خير ومعزة حكمها للظلم ما ينحاد
ودايم يرتفع صوت المواعظ من مساجدها
**
حنا فدا للمملكة لعل يسقيها السحاب
نضمها بعيوننا وقلوبنا منزالها
ترابها ورد وذهب ما هو مثل باق التراب
حنا فدا لرمالها وسهالها وجبالها
**
الدولة اللي حكمها الشرع والدين
ومن صكته سود الليالي نصاها
يشهد لها الاقصين من قبل الادنين
في كل بقعة ناس تشكر عطاها